Mixail Xudákov
Wikipedia'dan
Mixail Georgieviç Xudákov 1894. yılnıñ 3. Sentäberdä Malmıj şähärendä säwdägär ğäiläsendä tua.
Töp belemen Qazannıñ 1. gímnazísında ala. 1913. yılda Qazan Üniversitäteneñ «Taríx wä Tel» bülemenä uqırğa kerep, 1918. yılda tamamlí.
Uqudan soñ Ğığış Mäğärif İnstitütendä eşli, Tatarstannıñ qazış xarítasın yasí, Bolğar belän Bilär şähärläreneñ xäräbälärene öyränä. «Tatarlar buyınça fänni cämğiätne» oyıştıra. 1920. yıllarda anıñ fänni qızıqsınu Tatarlarnıñ däwlätçelek taríxı taba qarí başlí. Şul çorda dönya kürgän taríxí äsärläre:
- 1921 – «Böyek Şähär Xäräbäläre»
- 1922 – «İdel buyında Möslim mädäniäteneñ 1000 yıllığı»
- 1923 – «Qazan xanlığı taríxınıñ taswírı»
- 1924 – «Qazan Tatarlarınıñ míğmarí sänğäte»
1925. yılda Leningrad şähärenä kitep Saltıkov-Çedrin isemle Íctímağí kitäpxänädä eşli başlí. 1931. yılda Mätdi Mädäniät Akademísına eşlärgä küçep, İdeldäge Möslim mädäniäten öyränüen däwam itä. 1936. yılda ğälimgä taríx fäne buyınça doktor däräcäse birelä.
Ğömümän isä ğälim qäläme astınnan 120dän artıq fänni eş çıqtı.
1936. yılnıñ Sentäber ayında ul “xalıq doşmanı” buluında ğäiplänep qulğa alına. 1936. yılnıñ Dekäber ayında anı atıp üterälär.
Tatar cämägätçelege Mixail Xudákov ğälimenä çiksez xörmät belän qarí
[üzgärtü] Çığanaq
- Tatarstan jurnalı, 8/2004
