Бөгелмә
Wikipedia'dan
Bögelmä, Tatarstan Cömhüriäte qaramağında şähär, Bögelmä Rayonı üzäge. Tatarstannıñ Könyaq-Könçığışında (Qazannan 333 km), Dala Zäye yılğasınıñ uñ quşıldığı Zäy suı başlanğan urında urnaşqan. Sember-Ufa timer yulında stansí. Aéroportü Automobil yulları töyläneşe. Bögelmä 1736. Tatar awılı bularaq mäğlüm. 1781.dä Ufa namestniklegeneñ öyäz şähäre, 1806.dan Orenburg, 1851.dän Samara gubernalarında. 1920. yıldan Tatarstanda, 1920-1930. yıllarda kanton, 1930. yıldan rayon üzäge. Mäydanı – 26 km2. Xalqı – 1989. yılda 89,6 meñ keşe (Urıslar: 63%, Tatarlar: 26,1%), 2000. yılda 93,7 meñ keşe.
Bögelmä – Tatarstanda iñ ere näft sänäğäte üzäge. Maşínalar tözü, metall eşkertü (mexanik, "Nefteautomatika", elektrotexnik, remont-mexanik zavodları), tözü materialları sänäğäte (timer-beton häm kirpeç zavodları, tözü konstruksíları kombinatı), ciñel sänäğät (cihaz häm tegü fabrikaları) häm azıq-tölek sänäğäte (may-sır, it kombinatları), sıra, likör-araqı zavodları häm başqa) nıq üskän.
Näft Sänäğäteneñ Fänni-Tişerenü häm Proyéktlaw institutı, Bötenberlek Fänni-Tikşerenü Näft institutınıñ "Tabiğí bitum" problemnäre komplekslı bülege, "Tatneftegeofizika" citeşterü berläşmäse. Hönär-pädogogik kolleje, maşína tözü texnikumı, medisin häm pädagogik kölliätläre, 18b ğomumí belem birü mäktäbe, 3 hönäri mäktäp. Mädäniät yortı. Urıs dram teatrí. Töbäk taríxın öyränü muzéyı, Jaroslav Hašek muzéyı. Ş.u.q.: Älmät-Bögelmä sänäğät töynäleşe
