Unserdeutsch
From Wikipedia
Unserdeutsch (Siaman bilong yumi long Tok Siaman) o Kriol Siaman bilong Rabaul, emi wanpela tokples istap pinis long Papua Niugini. As tokples bilong en emi Tok Siaman. Ananit long 100 manmeri i save long dispela tokples nau, na olsem 15 bilong ol istap long Niu Briten. Long taim bifo igat sampela manmeri long noten hap bilong Ostrelia i save long dispela tokples.
Ol manmeri husat i save long Unserdeutsch ol i save long tupela tokples o antap; ol i save long Tok Siaman, Tok Inglis, Tok Pisin o Kuanua. Bikpela hap bilong ol manmeri husat i save long dispela tokples oli lapun liklik nau.
Dispela tokples i stat long taim bilong Siaman Niugini, long Is Niu Briten, namel long ol pikinini Tolai i no gat papamama na ol Saiman sista bilong sios i lukautim. Bihain long taim bilong Siaman Niugini, na wantaim ol senis we ol manmeri i save raun long ol hap bilong Papua Niugini na long wol, na marit long ol narapela hap, dispela tokples i go daun, na nau i no gat planti manmeri i save long en.
Sampela hap tok long Unserdeutsch i go insait long Tok Pisin pinis. Ol manmeri husat i save long Tok Siaman inap harim Unserdeutsch na save long en.
