భమిడిపాటి కామేశ్వరరావు
వికీపీడియా నుండి
భమిడిపాటి కామేశ్వరరావు (జ. 1897 - మ. 1958) ప్రముఖ రచయిత, నటుడు మరియు నాటక కర్త. హాస్య బ్రహ్మ అనే బిరుదు కూడా ఉంది. వీరి కుమారుడు భమిడిపాటి రాధాకృష్ణ కూడా ఒక ప్రముఖ రచయిత.
విషయ సూచిక |
[మార్చు] జీవిత సంగ్రహం
వీరు పశ్చిమ గోదావరి జిల్లా ఆకివీడులో ఏప్రిల్ 28, 1897 సంవత్సరంలో నరసావధానులు, లచ్చమ్మ దంపతులకు జన్మించారు. వీరు భీమవరంలో పాఠశాల విద్యను పూర్తి చేసి, ప్రతిభావంతులైన విద్యార్ధులకిచ్చే ఉపకార వేతనం సహాయంతో పిఠాపురం మహారాజా కళాశాలలో గణితంలో పట్టా పొందారు. తరువాత కొంతకాలం నరసాపురం, కాకినాడలో ఉపాధ్యాయునిగా పనిచేశారు. 1922లో ఎల్.టి పరీక్షలో ఉత్తీర్ణులై రాజమండ్రి వీరేశలింగం ఆస్తిక ఉన్నత పాఠశాలలో గణిత శాస్త్ర అధ్యాపక పదవిని ఆర్జించి, రెండు సంవత్సరాలు ప్రధానోధ్యాపక బాధ్యతలను కూడా నిర్వహించారు.
ఉపాధ్యాయునిగా పనిచేస్తూ వీరు చాలా నాటకాలు, నాటికలు, కథలు రచించారు. సమకాలీన సాంఘిక సమస్యలను వీరి రచనలలో హాస్యరసానురంజకంగా మళిచిన ప్రజ్ఞాశాలి అవటం వలన పండితలోకం వీరిని హాస్య బ్రహ్మ అని కొనియాడారు. త్యాగరాజు రచనలను, జీవితాన్ని చక్కగా పరిశీలించి రాగ, తాళ, వాద్యాలను ఆ గాయకుని భావానికి అనుగుణంగా సమకుర్చునని వివరిస్తూ 'త్యాగరాజు ఆత్మ విచారం' రచన చేశారు.
తన అభిప్రాయాలకు అనుగుణంగా రచించిన తన నాటకాలను వీరు రాజమండ్రి కళాశాల వార్షికోత్సవాలలో వీరే దర్శకత్వం వహించి ప్రదర్శించేవారు. వీరు స్వయంగా నటులు. ద్విజేంద్రలాల్ రచించిన 'చంద్రగుప్త'లో శక్తి సింహ పాత్రను పోషించి ఖ్యాతిని పొందారు.
ఉత్తమమైన హాస్య రచనలతో ఎందరినో మనసారా నవ్వించిన వీరు 1958, ఆగష్టు 28న పరమపదించారు.
[మార్చు] రచనలు
[మార్చు] నాటకాలు
- బాగు బాగు,
- కచటతపలు,
- తమ్ముడు పెళ్ళికి తరలి వెళ్ళడం
[మార్చు] నాటికలు
- ఎప్పుడూ ఇంతే,
- పద్యం - అర్థం
- వేషం తగాదా
[మార్చు] కథలు
- విమానం
- పరీక్షలు
- దోమరాజా
- అయోమార్గం
- అభినందనం
- ధన్యజీవి
- విశ్వామిత్రరావు
- రెండో భాష మాస్టారు
- భూతలం
[మార్చు] ఇతర రచనలు
- త్యాగరాజు ఆత్మ విచారం
- పెళ్ళి ట్రైనింగ్,
- అద్దె కొంపలు
- కాలక్షేపం
- ఇప్పుడు
- అప్పుడు
- అన్నీ తగాదాలే
- ఈడూ-జోడూ
- మాట వరస
- అవును
- నిజం
[మార్చు] మూలాలు
- 20వ శతాబ్ది తెలుగు వెలుగులు, పొట్టి శ్రీరాములు తెలుగు విశ్వవిద్యాలయం, హైదరాబాదు, 2005.
