யுரேனியம்

கட்டற்ற கலைக்களஞ்சியமான விக்கிபீடியாவில் இருந்து.

92 புரோடாக்டினியம் ← யுரேனியம் → நெப்டூனியம் Nd ↑ U ↓ (Uqb) தனிம அட்டவணை
பொது
பெயர், குறி எழுத்து, தனிம எண்	யுரேனியம், U, 92
வேதியியல் பொருள் வரிசை	ஆக்டினைடுகள்
நெடுங்குழு, கிடை வரிசை, வலயம்	இல்லை, 7, f
தோற்றம்	பலபளப்பான வெளிறிய சாம்பல் நிறம்; அரிப்படைந்து புறத்தே வெடிப்புகள் தோன்றும் பன்புடையது காற்று பட்டால் கருநிற ஆக்சைடு ஆகி உதிர்தல்
அணு நிறை (அணுத்திணிவு)	238.02891(3) g/mol
எதிர்மின்னி அமைப்பு	[Rn] 5f3 6d1 7s2
சுற்றுப் பாதையிலுள்ள எதிர்மின்னிகள் (எலக்ட்ரான்கள்)	2, 8, 18, 32, 21, 9, 2
இயல்பியல் பண்புகள்
இயல் நிலை	திண்மம்
அடர்த்தி (அறை வெ.நி அருகில்)	19.1 கி/செ.மி³
உருகுநிலையில் நீர்மத்தின் அடர்த்தி	17.3 g/cm³
உருகு வெப்பநிலை	1405.3 K (1132.2 °C, 2070 °F)
கொதி நிலை	4404 K (4131 °C, 7468 °F)
நிலை மாறும் மறை வெப்பம்	9.14 கி.ஜூ/மோல் (kJ/mol)
வளிமமாகும் வெப்ப ஆற்றல்	417.1 கி.ஜூ/மோல் kJ/mol
வெப்பக் கொண்மை	(25 °C) 27.665 ஜூ/(மோல்·K) J/(mol·K)
ஆவி அழுத்தம் அழுத் / Pa 1 10 100 1 k 10 k 100 k வெப். நி / K 2325 2564 2859 3234 3727 4402
அணுப் பண்புகள்
படிக அமைப்பு	orthorhombic
ஆக்ஸைடு நிலைகள்	3+,4+,5+,6+[1] (weakly basic oxide)
எதிர்மின்னியீர்ப்பு	1.38 (பௌலிங் அளவீடு)
அயனாக்க ஆற்றல்	1st: 597.6 கிஜூ/மோல்
	2nd: 1420 kJ/mol
அணு ஆரம்	175 pm
வான் டெர் வால் ஆரம்	186 பி.மீ (pm)
வேறு பல பண்புகள்
காந்த வகை	paramagnetic
மின்தடைமை	(0 °C) 0.280 µΩ·m
வெப்பக் கடத்துமை	(300 K) 27.5 வாட்/(மீ·கெ) W/(m·K)
வெப்ப நீட்சி	(25 °C) 13.9 மைக்.மீ/(மி.மீ·கெ) µm/(m·K)
ஒலியின் விரைவு (மெல்லிய கம்பி வடிவில்)	(20 °C) 3155 மீ/நொடி
Young's modulus	208 GPa
Shear modulus	111 GPa
Bulk modulus	100 GPa
Poisson ratio	0.23
CAS பதிவெண்	7440-61-1
குறிபிடத்தக்க ஓரிடத்தான்கள்
தனிக்கட்டுரை: யுரேனியம் ஓரிடத்தான்கள் ஓரி இ.கி.வ அரை வாழ்வு சி.மு சி.ஆ (MeV) சி.வி 232U syn 68.9 y α & SF 5.414 228Th 233U syn 159,200 y SF & α 4.909 229தோரியம் 234U 0.0058% 245,500 ஆண்டு SF & α 4.859 230தோரியம் 235U 0.72% 7.038×108 y SF & α 4.679 231Th 236U syn 2.342×107 y SF & α 4.572 232Th 238U 99.275% 4.468×109 y SF & α 4.270 234Th
மேற்கோள்கள்

யுரேனியம் என்னும் தனிமம் பளபளப்பான வெளிறிய சாம்பல் நிறத்தில் திண்ம நிலையில் இருக்கும் ஒரு பொருள். இதன் அணுவெண் 92, மற்றும் இதன் அணுக்கருவில் 146 நொதுமிகள் உண்டு. இதன் வேதியியல் குறியெழுத்து U ஆகும். இதுவே இயற்கையில் கிடைக்கும் அதிக அணுநிறை கொண்ட தனிமம். இதன் அணுநிறை வெள்ளீயத்தை விட ஏறத்தாழ இரண்டு மடங்கு அதிகம். இது தனிமங்களின் அட்டவனையில் ஆக்ட்டினைடுகள் வரிசையைச் சேர்ந்த ஒரு தனிமம். யுரேனியம் சிறிதளவு கதிரியக்க இயல்பு கொண்ட தனிமம். இத் தனிமம் நில உருண்டையில், மண்ணிலும் பாறைகளிலும், நீரிலும் மிகமிகச் சிறிதளவே கிடைக்கின்றது. பெரும்பாலும் யுரேனைட்டு போன்ற கனிமப்படிவுகளில் இருந்து பிரித்தெடுக்கப்படுகின்றது. கிடைக்கும் அளவு மில்லியனுக்கு ஒரு சில என்னும் சிற்றளவிலேயே கிடைக்கின்றது.

இயற்கையில் கிடைக்கும் யுரேனியம் அணுக்கள் பெரும்பாலும் யுரேனியம்-238 (99.275%), மற்றும் யுரேனியம்-235 (0.72%) என்னும் வகைகளாகவும், மிக மிகச் சிறிதளவு (0.0058%) யுரேனியம்-234 என்னும் வகையாகவும் உள்ளன. யுரேனியம் மிக மெதுவாக ஆல்ஃவாத் துகள்களை உமிழ்கின்றது. யுரேனியம்-238 இன் அரைவாழ்வுக் காலம் 4.5 பில்லியன் ஆண்டுகளாகும். யுரேனியம்-235 இன் அரைவாழ்வுக் காலம் 700 மில்லியன் ஆண்டுகளாகும். இதனை அடிப்படையாகக் கொண்டு நில உலகத்தில் ஒரு பொருளின் தின்மையை அறிய யுரேனிய-தோரிய தொன்மையறி முறை என ஒரு முறை நிறுவப்பட்டுள்ளது. யுரேனியமானது தோரியம், பொலோனியம் ஆகிய இரண்டுடன் சேர்ந்து உள்ள மூன்று அணுச் சிதைவு கொள்ளும் பொருட்கலுள் ஒன்றாகும். இவ்வாறு அணுச்சிதைவு கொள்ளும்பொழுது ஏராளமான வெப்பம் உண்டாவதால் அணு உலைகள் இயக்கி அணுகுண்டு முதலிய அணு ஆயுதங்கள் செய்ய உதவுகின்றது. குறைந்த அளவு யுரேனியம்-235 என்னும் ஓரிடத்தான் கொண்ட யுரேனியத்தை (யுரேனியம்-238), குறைவுற்ற யுரேனியம் என்று கூறுவர். இந்த குறைவுற்ற யுரேனியமும் மிகவும் அடர்த்தியான பொருளாகையால் (வெள்ளீயத்தை விட 70% அதிகம், அடர்த்தி = 19050 கிலோ.கி /மீ³ (kg/m³) ), இதனைக் கொண்டு, வலுவான தடித்த மாழைகளால் (உலோகங்களால்) ஆன சுவர்களையும் பிளக்கமுடியும்.^[2]. எனவே போர்க்கருவிகளில் இது மிகவும் பயன்படுகின்றது. இதனால் மாந்தர்களுக்கு பல உடல்நலக் கேடுகளும் விளையும்.

யுரேனியம் கண்ணாடிகளில் நிறமூட்டியாகவும் பயன்படுகின்றது. மஞ்சள் கலந்த சிவப்பு, எலுமிச்சை நிற மஞ்சள் போன்ற நிறங்கள் தரவல்லது.