Scots Pairlament
Frae Wikipedia
 Politics o Scotland |
| Scots Pairlament Scots Executive |
| First Meenister Preses Laird Advocate Solicitor General Commissioners tae Pairlament (CSPs) |
| Local govrenment |
| Walins Poleetical pairties |
| UK Pairlament Scotland Office Secretar o State for Scotland |
The Scots Pairlament[1] (Scottish Parliament in Inglis; Pàrlamaid na h-Alba in Gaelic) is the legislatur o Scotland. The oreeginal Scots Pairlament, or Estatis of Scotland, wis abolisht in 1707 bi the Act o Union, giein wey tae the new-foundit Pairlament o Graet Breetain. The new Scots Pairlament wis establisht in 1999 unner the Scotland Act 1998. It can legislate on aw maiters cept thaim that's reserved for the UK Pairlament in Wastmeenster, an haes the pouer tae mak Scots laws an chynge the level o income tax peyed bi Scots ceetizens.
The'r 129 Commissioners tae the Scots Pairlament (CSPs) the nou. CSPs is waled bi a seestem o proportional representation, the Addeetional Member Seestem (AMS). 73 Commisioners is waled in individual constituencies, an 56 is waled frae regional pairtie leets (7 CSPs the piece frae aicht regions).
Efter the elections o 2007, the strenth o the pairties in the Pairlament is:
- Scots Naitional Pairty: 47 CSPs
- Scots Labour Pairty: 46 CSPs
- Scots Conservative an Unionist Pairty: 17 CSPs
- Scots Leiberal Democrats: 16 CSPs
- Scots Green Pairty: 2 CSPs
- Unthirlt commissioners (Independents): 1 CSP (Margo Macdonald)
The Pairlament wales frae amang its members its Preses (Presiding Officer in the Inglis leid) tae preside ower the meetins o the Pairlament. It wales the First Meenister o Scotland forby.
[edit] Fitmerks
- ↑ Maugre o the pairlament itsel uisin Scottish (1, 2, 3), maist ilka cuif kens that the Scots for the English Scottish is Scots. Sen this is the Scots Wikipaedia sicna "linguistic mixter–maxter" isna uised here.
