Scotland's economy
Frae Wikipedia
The economy o Scotland cleeks intae that o the lave o Europe an is tae the maist pairt a mixed economy. Scotland haes the fowert lairgest GDP per heid o ony region [sic] o the Unitit Kinrick efter Lunnon, the Sooth East o Ingland an the East o Ingland.
Scotland wis ane o the industrial pouerhooses o Europe frae the time o the Industrial Revolution forrit, bein a warld leader in manufacturin an shipbiggin relatit industries, at the time, that the day haes left a legacy in the diversity o guids an services that the Scots economy produces frae textiles, whisky an shortbreid tae aeroingines, buses, computer saftware, ships, avionics an microprosssors tae baunkin, insurance, fund management an ither sib financial services.
In common wi maist ither advanced industrialised economies, Scotland haes seen a dwynin o the importance o the manufacturing industries an primary-based extractive industries. This haes, housomeiver, been combined wi a rise in the service sector o the economy that's nou the lairgest sector in Scotland, wi signeeficant rates o growth ower the bygane decade.
The Breetish poond sterling is the offeecial currency o Scotland, an the central baunk of the UK is the Bank o Ingland that hauds responsibeelity for the monetar policy o the hale o the Unitit Kinrick.