Niscemi (CL)

Di Wikipedia, la nciclupidìa lìbbira.

Niscemi è un cumuni di 27.564 abbitanti dâ pruvincia di Caltanissetta. Lu centru abbitatu è situatu supra n'artopianu, cantu cantu di nu sbalancu (chi franau dû 1997), di unni si vidi lu mari canali di Sicilia) e Gela (Terranova).

Si cunta chi dû 1499, Andrea Armao, un pasturi dû voscu di "Santa Maria" (chistu era lu vecchiu nommu di Niscemi) avìa persu un voi, Portagioia, e doppu tantu circarlu voscu voscu lu truvau calatu (si dissi ch'era addunignatu) davanzi na surgiva di acqua unni c'era na furedda (na immàgini) dâ Bedda Matri disignata, secunnu lu cuntu, dî manu di l'ancili supra na tila di sita). Nni ddu stessu postu vinni custruita na chiesa chi divintau lu centru di ddu paiseddu; ancora ora, macari chi ora è periferia, la chiesa dâ Madonna havi tantissima mpurtanza simbòlica e riliggiusa ppî Niscimisi, ancora canusciuti commu Santamarioti.

L'econumìa dû paisi è suprattuttu di tipu agrìculu; chiassà dû sissanta/ppiccentu dî paisani travàgghiunu ccu l'agricurtura. Tra tutti li cosi cchiù curtivati ci sunnu pummadoru e racina, ma suprattuttu cacòcciuli, tantu chi Niscemi è cunsidirata la capitali taliana dî cacòcciuli, producennu a l'incirca lu 40/ppiccentu dî cacòcciuli cunsumati di tutta l'Italia.

Puttroppu stu paisi havi pisanti prubblemi di legalità. Dû 2003 lu cumuni è gistuto dî Cummissarî Sraordinarî pirchì lu Cunsigghiu Comunali vinni sciugghiutu dû cuvernu pirchì c'èrunu "nfiltrazioni mafiusi" intra a giunta comunali. La situazzioni nun era canciata pi nenti dû 1991, annu chi già fù sciugghiuta pâ prima vota la giunta ppi l'infiltrazioni mafiusi.