Campufilici di Fitalia (PA)

Di Wikipedia, la nciclupidìa lìbbira.

Campufilici di Fitalia fu funnata di lu Principi di Fitalia, Don Girolamu Giuseppi Settimu Naselli, frati di lu cchiù famusu Ruggeru Settimu, urtimu Prisidenti dû Regnu di Sicilia ntô 1848. Ntô 1812 lu Principi virennu ca c'era nicissati di mettiri a fruttu lu feudu granni 4000 sarmi di tirrenu accuminzau la custruzzioni dû novu paisi di Fitalia cchiù ncapu di chiddu vecchiu ca c'era. Accussì arrivanu genti dî paisi vicini e luntani (Pa,Ag,Me,Cl). Lu paisi s'attrova a 730 metri ncapu lu mari, ci stannu quasica 500 paisani. Li tirreni sunnu quasi tutti a siminativu. La storia di stu paisi havi troppu mpurtanza ppi la Sicilia. Ntâ muntagna vicinu a latu a Rocca Busambra, Pizzu Marabitu e Pizzu di Hasu, ci staia l'urtimu capu mussulmanu di Sicilia, Mirabettu e ccu sô figghia Mirabella. Ntô 1282, a simana doppu lu Vespiru di Palermu, s'avia ammucciatu nto casteddu di Vicari lu viceré francisi, ma li Siciliani ci dettiru battagghia ntô chianu di sutta. Ntô 1519 a lu casteddu di la Margana li nobili siciliani ficiru cunzigghiu ppi mannari fora li spagnoli dâ Sicilia, a capu c'era Giuvanni Sguarcialupo. Ppi dui misi ficiru la Ripubblica Siciliana. La famigghia Settimu doppu ca muriu spartìu lu feudu e fici la baronia di Carcilupu a mimoria di iddu. La storia di Ruggeru Settimu la sapemu, ma armenu iddu nun si vinnìu a li piemontesi/taliani e arristàu a Malta finu a quannu murìu.