Luigi Pietracqua

Da Wikipedia.

Test an lenga piemontèisa

Scritor an lenga piemontèisa e ëdcò an italian, conossù ëdcò con lë stranòm Fra Giocondo.

[modìfica] Biografìa

Luigi Pietracqua (an piemontèis Luis Pietraqua) a nass a Voghera ël 23 ëd gené dël 1832; la famija as trasferiss a Turin che chiel a l'era cit e ambelelì a meuir ël 28 d'otóber dël 1901.

A 14 agn a l'era già al travaj com pròto al Pòpol, peuj colaborator al midem giornal e a d'àutri. A l'é stàit neuv agn a la Gazzetta Piemontese, su propòsta ëd Casimiro Favale, fin-a al 1879; vers la fin ëd col ann, ël senator Luigi Guala a l'ha proponuje d'andé a Vërsèj 'me diretor dël giornal liberal progressista La Sesia, pòst che Pietracqua a goerna për ses agn a ancaminé dal 1881. Ant j'apendis d'ës giornal, Pietracqua a l'ha publicà vàire conte: La piccola derelitta (quatr pontà, daj 16 ai 23 ëd gené 1881), La bottiglia del latte (doe pontà, 11 e 13 ëd fërvé 1881), Una sera in bettola (des pontà, daj 22 d'avril ai 15 ëd maj 1881), La notte d'Ognissanti (neuv pontà, daj 17 ëd maj ai 5 ëd giugn 1881), Una famiglia in rovina (dódes pontà, daj 27 dë stèmber ai 28 d'otóber 1881).
A l'é arnomà për soe euvre teatraj e sò romanz, ch'a scriv ant un piemontèis ch'a conten soens vàire italianism.

[modìfica] Euvre prinsipaj

J'euvre teatraj ëd Luigi Pietracqua a son na sessanten-a. Chèich tìtoj:

Le sponde dël Pò (drama romàntich, 1859)
La famija dël soldà (comedia an tre at, 1859)
Ël boletin (farsa, 1859)
Le sponde dla Dòra (1859)
Rispeta toa fomna
Giòrs ël sansuari
Gigin a bala nen
Tirie vërde
Ël beu 'd Natal
Sablin a bala
La miseria
Un pòver paroco (1860)
Le grame lenghe (comedia an 3 at, 1862)
Ël cotel
Question dël pan
Spatuss e débit (5 at)
Rispeta tò òm
La fia sola
Ernesta la mondin-a

Ëdcò ij romanz ëd Luigi Pietracqua a son motobin numeros. Chèich tìtoj:

Còs val-lo n'òm mòrt, publicà dzora la Gasëta d' Gianduja (1866)
Fisionomia 'd Piassa Castel trant'e singh ani fa. Pcita biografia 'd Don Pé, publicà dzora la Gasëta d' Gianduja (1867)
Don Pipeta l'asilé (1868)
Lucio dla Veneria (1877)
La còca dël gamber (1891)
La sposa dl'ebanista (1891)
La bela panatera d' Pòrta Palass (1891)
Un cheur mòrt (1892)
I misteri 'd Vanchija (publicà an 89 pontà an sël Compare Bonom antra 'l 1893 e ël 1894)
La masnà ch'a piora (1897)
La bionda polaiera
L'ùltim dij Castelverd
La bomba 'd via Arsenal
Lorenss 'l suicida

Luigi Pietracqua a l'avìa ëdcò provà come poeta. Ij tìtoj ëd chèiche soe poesìe:

Al bon sens
La sèira dij mòrt
Canson trista

[modìfica] Arferiment bibliogràfich për chi a veul fé dj'arserche pì ancreuse

Gianrenzo P. Clivio - Profilo di storia della letteratura in piemontese

OMMI! Ma io non SO LEGGERE!! E be'? :) È facile leggere una lingua che si parla già. Consulti questa pagina e vedrà, in un attimo anche Lei avrà il suo badge da bogianen :)

St'utent-sì a l'é un bogianen

OMMI! pero si YO no
SE LEER!

¿Y que? :) Es fácil aprender a leer un idioma que ya se habla. Consulte usted esta pagina y verá, en un momento tendrá usted su Badge de Bogianen :)

15.649 artìcoj scrivù e na media ëd pàgine lesùe davzin a 1.750.000 pàgine l'ann!

'cò ti it peule travajé a fé pì granda e bela la wikipedia piemontèisa. Tùit a peulo gionté dj'anformassion, deurbe dij neuv argoment, deje na man aj volontari ch'a travajo ambelessì 'ndrinta. Rintra ant la Piòla e les coma avnì a fé toa part. I soma na gran famija e i l'oma da manca dël travaj ëd tuti. Se it la sente nen dë scrive n'artìcol, a-i son vàire travajòt da fé andova a fa pa da manca d'esse na cima a scrive për podej giuté. Mersì.

BANCHÈT dj'UTISS

Për dì la soa ansima a sta pàgina-sì ch'a-i daga 'n colp col rat ant sël tilèt discussion. Për lasseje un messagi a j'aministrator ch'a varda ambelessì.