Guy Braibant
Da Wikipedia.
Guy Braibant a l'era nassù a Paris ai 5 dë stèmber dël 1927, an na famija borzoà. Sò pare a l'era diretor dj'archivi ëd Fransa; soa mare a l'era n'ebrea d'orìgin egissian-a. Cand ch'a-i s-ciòpa la sconda guèra mondial, Braibant a l'é anlev al liceo Janson-de Sailly; a l'era cambrada ëd Jean-Pierre Lotte, che dël 1944 a l'ha massà un plùfer prima d'esse arestà e fusilià. Pòch apress, Braibant a l'é intrà ant ël PCF. Laureà an litre e an drit, diplomà a l'Anstitù dë studi polìtich ëd Paris, dël 1953 a seurt da la Scola Nassional d'Aministrassion. Peui a intra al Consèj dë stat, anté ch'a farà scasi tuta soa cariera. Dël 1975 a l'é un dij redator dël Proget ëd diciairassion dle libertà, publicà dai comunista. Dal 1978 a l'é consejé dë stat. Dël 1985 a smija dovèj dventé pressident ëd la session dij contrast dl'àuta giurisdission aministrativa, ma la possìbil promossion d'un comunista (bele ch'a-l l'era pì nen) a fà monté l'oposission ant ël Consèj dë stat. Mitterrand a ced a la pression; tanme consolassion, Braibant a l'é nominà a la pressidensa dla comission djë studi e dij rapòrt. Braibant a l'é stàit në spessialista arconossù ant ël camp dël drit aministrativ. Sò lìber Les grands arrêts de la jurisprudence administrative a resta n'arferiment autoritativ. A l'é mòrt a Paris ai 25 ëd maj dël 2008, për ël fërmesse ëd sò cheur. [modìfica] Euvre prinsipaj
|
SE LEER! ¿Y que? :) Es fácil aprender a leer un idioma que ya se habla. Consulte usted esta pagina y verá, en un momento tendrá usted su Badge de Bogianen :)
Për dì la soa ansima a sta pàgina-sì ch'a-i daga 'n colp col rat ant sël tilèt discussion. Për lasseje un messagi a j'aministrator ch'a varda ambelessì. Lìber për chi a veul amprende a lese e a scrive mej an piemontèis, e che an fan d'arferiment a tùit për la coression ortogràfica dij test. Për ёscrive dësgagià, ch'a dòvra la Claviera piemontèisa! E ch'a manca pa dë vardesse la pàgina d'agiut për chi as anandia da zero. |