Bonifass ëd Challant

Test an lenga piemontèisa

Frel d'Ebal ël Grand, Bonifass ëd Challant a l'é stàit vësco ëd Sion dal 1290 a soa mòrt dij 18 ëd giugn 1308.

Tanme vësco, Bonifass a partagiava con ël cont ëd Savòja la sovranità dël Valèis e a l'é stàit bon a tiré torna su l'autorità episcopal, ch'a l'era andebolisse sota ij sò predecessor.

Da l'ann 1293, Bonifass a ciama a Medeo V l'omage dël castel ëd Chillon e dla castlanerìa ëd Montreux; a arvèndica për chiel ël drit regalian ansima a tut ël Valèis; a strenz un tratà con la comun-a ëd Milan an sël passage dle mërcandise e a fa n'àutr tratà con la sità ëd Berna.
Dël 1294 a fa fabriché ël castel ëd Tourbillon, con na capela andrinta.

Intrà an guèra contra ij nòbij valeisan, a buta ansema n'armada ëd paisan e a bat ij nòbij a Louèche dël 1294.
Apress, Bonifass a l'ha dovù ancor combate contra 'l cont ëd Savòja, ch'a l'avìa sostnù da stërmà ij nòbij. Dël 1300 a-j pija la piassafòrta ëd Riddes e a la fa dësblé. Ai 30 dë dzèmber 1301, ij doi a fan la pas.

Con ëstrument dij 23 ëd mars 1304, a fonda l'ospidal ëd Briga.

A l'ha suceduje tanme vësco ëd Sion sò cusin Ajmon ëd Challant-Cas-cion.