Ягънобаг æвзаг

Сæрибар энциклопеди Википедийы æрмæг.

Ягънобаг æвзаг (яғнобӣ зивок) у ягънобаг адæмы æвзаг. Дзурынц ыл 12 мин адæймаджы бæрц Таджикистаны.

Ягънобаг æвзаг согъдаг æвзаджы диалектæй рацыди. Уымæй у ирайнаг æвзæгты цæгат-скæсæйнаг къорды дыууæ уæнгтæй иу. Сæ равзардмæ гæсгæ, ирон æвзагæн ягънобаг æвзагæй хæстæгдæр нæй. Кæд æнусты дæргъы кæрæдзийæ иппард уыдысты, уæддæр дыууæ æвзаджы ’хсæн ис ма тынг иухуызон дзырдтæ: зæгъæм, ягънобагау шумох нысан кæны «сымах».

Ягънобаг æвзаджы ис 8 хъæлæсоны (5 дæргъвæтин æмæ 3 цыбыр) æмæ 27 æмхъæлæсоны. Уыцы æвзаджы ис æрмæст дыууæ хауæны (афтæ рагон ирон æвзаджы дæр уыдис, иртасджыты хъуыдымæ гæсгæ).

Ис ягънобæгтæн сæхи фыссынад таджикаг фыссынады бындурыл, саразта йæ Сайфиддин Мирзозода, таджикаг Зонадон Академийы уæнг. Ягънобаг æвзаг ахуыр кæнынц ягънобаг хъæуты сывæлæттæ фыццаг къласæй цыппарæм къласмæ, уымæн ис сæрмагонд ахуыры чингуытæ.

[баив æй] Литературæ

• Хромов А. Л. Ягнобский язык, Мæскуы, 1972.