Tresvirament bipolar
Un article de Wikipèdia, l'enciclopèdia liura.
Lo tresvirament bipolar, conegut anteriorament coma psicòsi maniacodepressiva, es una malautiá psiquica. Se caracteriza per passar d'un estat ipertimic (euforia) a un distimic (depression). Aqueles episòdis an pas de relacion amb los eveniments de la vida del pacient (son pas reactius). Aqueste tresvirament pòt afectar las personas en grad desparièr. Dins la forma pus leugièra o ciclotímia, la persona passa facilament de l'alegror a la tristesa. Dins la forma pus grèva los cicles d'euforia e depression se succedisson amb rapidesa e intensitat grandas, causa que l'empacha de menar una vida normala. Aquesta malautiá afècta aperaquí 2% de la populacion mondiala. L'escrivana Virginia Woolf la patiguèt d'un biais grèu. La forma leugièra o ciclotímia afectèt Winston Churchill e Oliver Cromwell.
[Modificar] Fasa euforica
- Comença amb una sensacion de fòrça energia, creativitat, facilitat de contacte social, pèrta de timiditat.
- Continua amb un besonh escàs de dormir, parlar amb agitacion, pensada accelerada, manca de concentracion, manias de grandesa e conducta temerària.
- Dins de cas grèus, presentan d'allucinacions, d'idèas de persecucion e temptativa de suicidi.
[Modificar] Fasa depressiva
- Tresviraments del sòm : insomni, cachavièlhas.
- Dificultat d'experimentar lo plaser: gastronomic, sexual, vital.
- Diminucion de l'autoestima: plors, sentiment de culpabilitat, ànsia, irritabilitat e idèas negativas en general.
