Surf
Un article de Wikipèdia, l'enciclopèdia liura.
Lo surf es un espòrt nautic que consistís a lisar amb una pòst per las èrsas. Es practicat mai que mai en riba de mar, mas tanben en plena mar, o mai anecdocticament pels flumes a l'escasença dels mascarets.
Lo surf es un activitat populària demest los joves occitans de la còsta gascona, e mai generalament demest los joves del mond entièr.
Las doas classificacions màgers al dintre de l'espòrt rebat la diferéncia dins lo dessenh de las pòstes de surf: lo longboarding, qu'utiliza de pòstes longas, e lo shortboarding, qu'utiliza de pòstes pichonas.
Somari |
[Modificar] Surf e occitan
Demest l'avalancha de tèrmes angleses l'occitan contribüís al lengatge del surf, notadamment amb los mots occitans que son "mascaret" e "baïna".
[Modificar] Lo surf en Occitània
Occitània es una de las destinacions màgers del torisme surfaire gràcias a la còsta oèst del país ribejada per l'Ocean Atlantic. L'estacion balneària landesa de Hossegòr es conegut dels surfaires e amators de surf de mond entièr, notadamment al Japon e en Austràlia.
[Modificar] Surf e culturas localas
Lo surf es fòrça praticat dins paises que una cultura locala fòrta, e mai foguèsse minoritària o minorizada, es notabla. Aital de las culturas arborigenas en Austràlia, maòri en Nòva Zelanda, papó en Papoa-Nòva Guinèa e mai generalament dins las illas micronesiana, polinesiana, a Hawaii, en Occitània e Cornoalha. Arriba que d'unas ceremonias de remesa de trofèu una atencion particulara siá facha a la cultura locala
[Modificar] Los luòcs de surf occitans
La terminologia anglesa que s'es impausada dins la part màger de las lengas utiliza lo mot "spot" per destriar una part de plaja d'una autra. Aicí nos contentam amb lo nom de las comunas occitanas que i se pòdon trobar un nombre bèl d'aqueles "spots". Convendriá de destriar aqueles tròces de plaja entre los que las èrsas se copan sus un tèu d'arena (en anglés beachbreak) e los que las èrssas se lèvan contra una poncha rocassosa (en anglés pointbreak). La tipologia surfaira incluís tanben los luòcs que las èrsas se lèvan en rason d'estèu de coralh (en anglés reefbreak).
