Metal (musica)
Un article de Wikipèdia, l'enciclopèdia liura.
- Pels articles omonims, vejatz Metal.
L'apellacion metal en musica que correspon a realitats artisticas hòrt divèrsas. Que i a totun quauques denominators comuns enter tots los grops (o casi) qui's revendican d'aqueste estile.
Somari |
[Modificar] La musica
La musica metal qu'utiliza lo mei sovent
- ritmes hòrt marcats, que sian rapides o lents, dab ua frequenta utilizacion de la dobla pedala o de la dobla gròssa caisha
- guitarras electricas saturadas
- ua votz hèra energica, sovent agressiva. Dens mantuns estiles de metal lo cant qu'ei quitament remplaçat per crits, tanben aperats vocaus.
[Modificar] Los estils
Que i a mantuns estiles de musica metal :
- lo heavy metal
- lo thrash metal
- lo black metal
- lo death metal
- lo neo metal
- lo doom metal.
Parièr, cèrtes grops qui ne's reconeishen pas dens nat d'aqueths estiles que crean la loa pròpia apellacion entà mentàver la loa musica. Atau los Finés d'Impaled Nazarene qu'apèran la loa mesclanha de black metal e de crust-punk "nuclear metal". E lo grop de heavy metal italian Rhapsody, hòrt influenciat per las musicas de films, que ditz har "Hollywood metal"
[Modificar] L'estetica
Qu'ei hèra importanta dens lo monde deu metal. Las pochetas de cèrtes discs que son hèra esteticas e los grops que las se hèn har per artistas especializats. Quauquas tematicas que son recurentas : la mort, la guèrra, ua vision fantasmada de l'edat miejana, l'heroic fantasy, la religion (en particular lo satanisme) e l'esoterisme ...
[Modificar] La mòda
La màger part deus musicians e deus fans de metal qu'an lo peu long, que sian hemnas o òmis. Hèra que's vesteishen dab quessòts a l'efigia de grops. Los bracelets dab claus que son tanben hèra presats. Que vedem tanben mei de tatoatges e de piercings en se passejar dens un concèrt de metal que non pas sus ua plaça publica. Enfin las gojatas que pòrtan tanben raubas dab dentelas negras. Aquesta mòda recenta que vien deu moviment goth-electro.
Mes cada sota-estile de metal qu'a tanben los sons còdis particulars.
