Punk
Un article de Wikipèdia, l'enciclopèdia liura.
Lo punk rock o la musica punk o lo punk [occitan: ˈpyⁿk, ˈpyŋk; anglés: ˈpʌŋk] es un movement musicau e una branca dau rock qu'apareguèt en 1975 a Nòva York puei en 1976 a Londres. Tanben lo punk designa pus largament una mòda e un corrent artistic larg que gravitan a l'entorn de la musica punk.
Somari |
[Modificar] Originas
Ais Estats Units lei primiers precursors foguèron de grops de garage rock coma MC5 e leis Stooges durant la fin deis ans 60.
Lei Ramones (de Nòva York) creèron un novèu genre pus amadurat en 1975 e d'unei considèran aquel eveniment coma la naissença dau punk. Foguèron ligats a un fanzine de Nòva York nommat Punk, qu'exprimissiá en realitat un movement culturau un pauc pus larg que la musica, ligat a una estetica particulara dins leis arts.
En Anglatèrra, lo punk rock appareguèt en 1976 amb lei Sex pistols (de Londres), que serián per fòrça mond lei creators dau punk (o aumens aquelei que lo difusèron mai) e The Clash. Lo punk apereguèt simultaneament en Anglatèrra coma una mòda e un concèpte comerciau. Coma aquò, especialament, Malcolm Mc Laren e Vivienne Westwood fondèron alora lor primiera botiga de mòda punk, que se sonava Sex (1977).
[Modificar] Musicologia
La musica punk se caracteriza per de melodias simplas, de bòn jogar e de bòn cantar. Es un estil especialament accessible per lei musicians amators. Aquela simplicitat es una revendicacion fondadoira dau movement punk, que sa tòca es de rendre tornar-mai lo rock accessible a toteis aquelei qu'an enveja de ne faire. Tanben la simplicitat se fa au servici de l'energia pura que lei punks vòlon rendre au rock, un pauc coma dins lo rock iniciau deis ans 1950. Coma aquò lo punk rock emergent de 1975 foguèt ben una reaccion conscienta e radicala còntra lo rock dau mitan deis ans 1970, qu'èra tròp tecnic, tròp virtuós e tròp pretensiós.
[Modificar] Mòda
Lo meteis Malcolm Mc Laren èra lo managèr dei Sex Pistols. La mòda punk, dins sa version popularizada a partir d'Anglatèrra, subretot de Londres e de la botiga de Malcolm Mc Laren, prèsa un brinde provocant amb de peus tenchats, parcialament rasats e en cresta. Pasmens d'autrei brindes pus sòbris existisson tanben dins lo movement punk.
[Modificar] Politica
Una partida dau movement punk s'es politizada en generau dins l'anarquisme, de còps dins lo socialisme, dins l'extrèma esquèrra, o lo comunisme.
[Modificar] En Occitània
En Occitània, Arnapi es un grop que fa de punk rock en lenga occitana. Dempuei leis ans 1990, certanei grops que cantan en occitan an mesclat la musica punk amb l'ska (Goulamas'K) o amb lo trad (Lo Dalfin). Pasmens, la màger part dei grops de musica punk d'Occitània cantan en anglés o en francés a causa de la diglossia.
[Modificar] Dins lo Mond
Quauquei grands grops de musica punk dau mond entier:
- Estats Units:NOFX, Dead Kennedys, lei Ramones, Bad Religion, Dropkick Murphys, The Stooges, The New York Dolls, Rancid, Anti-Flag, Rise Against, The Offspring, Green Day, Blink-182.
- Reialme Unit: Sex Pistols, The Clash, Peter and the Test Tube Babies, Buzzcocks, The Adicts, The Toy Dolls, [[
- França: OTH, Guerilla Poubelle (ancians Les Betteraves), Bérurier Noir, Los Wampas Ludwig Von 88 e Uncommonmenfrommars
- Occitània: Arnapi, Oai Star
- País Basc: Kortatu, Negu Gorriak
- Alemanha: Nena, Die Ärzte
- Suècia: The Hives, Millencolin
