Hazparne

Un article de Wikipèdia, l'enciclopèdia liura.

Localizacion de la comuna de Hazparne dens la província de Labord

Hazparne (en francés: Hasparren) qu'ei ua comuna de la província tradicionau de Labord, dens lo canton deu medish nom.

Lo gentilici en basco qu'ei hazpandar.

Que confronta Briscós e Urt au nòrd, Kanbo, Haltsu, Jatsu e Mugerre a l'oèst, Makea, Lekorne e Bonlòc au sud, e Aiherra e Bastida dens la Baisha Navarra a l'èst.

Suber la paret de la glèisa de Hazparne que i a ua estèla deu sègle III, de l'epòca romana, que marca la neishença de la província romana aquitana de Novempopulània. L'inscripcion latina que ditz:

Flamen item dumuir quaestor pagiq. magister

Verus ad Augustum legato munere functus

pro novem optinuit populis seiungere Gallos

Urbe redux genio pagi hanc dedicat aram

que's pòt tradúser atau:

«Flamine (=prèste deu cult imperiau), e tanben duumvir (= membre d'un collègi de dus magistrats que dirigivan la ciutat), questor (= perceptor), e administraire deu districte (= literalament deu pagus, o país, subdivision d'ua ciutat romana),

Verus, cargat d'ua ambassada au prèp d'August (=l'emperaire),

a obtengut per los nau pòbles d'estar separats deus galleses;

de retorn de la Vila (=Roma), dedica aqueth autar au Gèni deu país (=aqueth medish districte o pagus, sosdivision de la ciutat antica, en l'ocurréncia sens dobte lo vilatge a l'origina de l'actuau Hazparne).^[1].»

Durant l'Edat Mejana que ho ua pausa suu Camin de Sant Jaume, emparat peus castèths de Zalduzahar (1125) e Zalduberri (1310).

Escut de Hazparne.	Ostau deu sègle XVIII. Los *renforts [fr] deus contravents, excepcionaument situats suber lor faça extèrna, meten en valor la plasticitat de l'arquitectura.	Fronton atenent a un bar.	Escalièrs dab colors bascas.
La pòsta.	La glèisa de Sant Josèp a Urkurai.	Lo fronton d'Urkurai.	Ostau Bernatenia a Urkurai.
Lindau d'un ostau d'Urkurai.	Glèisa de Sant Joan Baptista.	Capèra de Nòsta Dauna deu Còr Sagrat.	Fresques de la capèra de Nòsta Dauna deu Còr Sagrat.
Ostau parroquiau de la capèra de Nòsta Dauna deu Còr Sagrat.	Escut