Eròdes Antipas
Un article de Wikipèdia, l'enciclopèdia liura.
- Pels articles omonims, vejatz Eròdes (omonimia).
Eròdes Antipas (tanben conegut coma Eròdes lo Tetrarca) (Juda, 20 aC - Lion, 39), foguèt tetrarca de Galilèa e Perèa (4 aC - 39). Filh d'Eròdes lo Grand e de la samaritana Malthace e fraire d'Arquelao. Foguèt criat a Roma amb Arquelao e son frairastre Eròdes Filip. A la mòrt de son paire, August li autregèt la tetrarquia de Galilèa e Perèa. Contractèt un escandalós matrimòni amb Erodies, esposa de son frairastre Eròdes Filip. Per se poder maridar amb Erodies, repudièt son esposa legitima, filha d'Aretas IV, rei dels nabatèus (reialme arabi amb capitala a Petra). Enforiscat, Aretas ataquèt Eròdes Antipas, e sonque l'intervencion del governador roman de Siria, Viteli, evitèt sa derrota complèta. Eròdes Antipas continuèt l'afanh o obsession de son paire pels grands bastiments. Fortifiquèt Seforis, en fasent d'ela al començament sa capitala, faguèt bastir la fortalesa de Bet-haram en Perèa e pus tard la ciutat de Tiberiàs (que bategèt en onor de l'emperaire Tiberi), al bròc del Lac de Tiberiàs, tanben nomenat Lac de Genezarèt , ont trasladèc dempuei sa capitala (aquesta ciutat, que deu son nom al lac, foguèt pendent fòrça temps un grand centre cultural josieu). Sembla que per instigacion d'Erodies, demandèt a Caligula, tornar nomenat emperaire, la corona de Juda que son titular èra son nebot Agripa I. En responsa, Agripa escriguèt a l'emperaire Caligula, en acusant Eròdes d'aver concertat una aliança secrèta amb los parts contra Roma. Caligula alavetz ordenèt en 39 de deportar Eròdes Antipas e sa femna a Lugdunum (Lion), que Eròdes i moriguèt aquel an. Eròdes Antipas apareis dins lo Novèl Testament coma lo responsable de l'execucion de Joan Baptista, per instigacion de son esposa Erodias (Marc 6:17-29, Matieu 14:3-12). Dins l'Evangèli de Luc, Jèsus se presenta davant d'el e sofrís sas trufas (Luc 23:6-12), dins una amassada que relata pas cap d'autres evangelistas.
