Coenzim Q10
Un article de Wikipèdia, l'enciclopèdia liura.
Lo Coenzim Q10, coneishut tanben jos lo nom de CoQ10 o Ubiquinona, qu'ei ua substància similara a ua vitamina, qu'ei vitala entà lo foncionament bon deu còs uman. Que estò descubèrt peu professor Fred L. Crane e peus sos collègas de l'Institut Enzimatic de l'Universitat de Wisconsin-Madison.
Somari |
[Modificar] Caracteristicas
Dens la soa forma pura, lo CoQ10 qu'ei un polvàs cristallin jaune iranja, sens gust ni aulor. Qu'ei parciaument absorbit dab la nòsta neuritud, mes qu'ei tanben produsit dens lo còs eth medish. Lo CoQ10 qu'ei naturalament present dens totas las cellulas umanas e qu'assegura la produccion de l'energia corporala. L'energia que fornís la neuritud qu'ei transformada en energia corporala dens las mitocondrias, dab l'ajuda deu CoQ10. Mercés a aquera transformacion, l'energia contenguda dens la neuritud que pòt èster utilizada peu còs uman. Un 95% de totas las necessitats corporalas en energia que son transformadas dab l'ajuda deu CoQ10. Los organs que càlon çò mei d'energia - coma lo còr, los paumons e lo hetge - que presentan tanben las taxas de CoQ10 mei hautas. Lo CoQ10 qu'ei hèra important entà l'organisme uman e non pot èster remplaçat per cap d'auta substància. Lo CoQ10 que difusa liurament dens la jaç dobla lipidica pr'amor que s'agís d'una benzoquinona qui es solubla dens los lipids dab un longa cadea isoprenoïda.
[Modificar] Per qué ei important lo CoQ10?
Après la descobèrta deu ròtle significatiu jogat peu CoQ10 dens la produccion de l'energia, lo scientific britanic Peter Mitchell qu'arrecebè lo Prèmi Nobel de quimia en 1978. Lo CoQ10 qu'interven en hèt dens la cadea respiratòria, qu'assegura la produccion d'energia utilizabla per la cellula jos la forma d'ATP. Qu'ei un intermediari qu'a la capacitat de hèr alternar ua forma oxidada dab ua forma redusida, e doncas de transferir uns electrons d'un complèxe enzimatic a l'aute (de la NADH-desidrogenasa a la citocromoreductasa). D’un aute costat, lo CoQ10, mercés a lo son ròtle d'antioxidant, que protegís las cellulas contra los efèctes destructius deus radicaus liures. Qu'aumenta la capacitat d'exercici fisic e que melhora la salut dens las malautias cardiacas.
[Modificar] Qué provòca ua manca de CoQ10?
La reduccion de la taxa de CoQ10 qu'ei ligada a l'envielhiment, que ven tanben causat per l'esfòrç fisic extrèm, lo stress, ua consomacion rica d'alcòl, e per autas malautias especificas. Mei d'un medicament redusint la taxe de colesteròl (aperats estatinas) frenan tanben la produccion naturala de CoQ10 dens lo còs.
[Modificar] Coma aumentar la quantitat de CoQ10 ?
La neuritud que nos fornís un apòrte *journalier (fr) d'aperaquí tres a dètz mm d'aqueth coenzim. La majoritat deus expèrts que recomandan enter 30 e 200 mg de CoQ10 en complement per dia e per adult.
[Modificar] La fabricacion deu CoQ10
Que s'emplegan tres metòdes desparièrs entà la fabricacion deu CoQ10: la fermentacion de levadura, la fermentacion bacteriana e la sintèsi quimica.
