Coenzim
Un article de Wikipèdia, l'enciclopèdia liura.
Los coenzims son un tipe de cofactor, particula que se jonh a un apoenzim per formar un oloenzim capable de catalisar de reaccions quimicas. Los coenzims son de moleculas complèxas, que generalament nòstre organisme pòt pas sintetisar. Per aquela rason fòrça d'eles son fornits per los aliments. Granda part dels coenzims son derivats de vitaminas idrosolublas.
Los coenzims se pòdon classificar segon se son transportadors d'idrogèn (d'electrons e protons) o transportadors de grops quimics:
- Transportadors d'idrogèn: totes intervenon dins de reaccions oxidacion-reduccion en acceptant e donant electrons e protons, sovent combinats en formant atòms d'idrogèn.
- Nicotinamida adenina dinucleotid (NAD+)): Es un derivat de la niacina o vitamina B3
- Nicotinamida adenina dinucleotid fosfat (NADP+): es un derivat de la niacina o vitamina B3
- Flavina adenina dinucleotid (FAD): es un derivat de la riboflavina o vitamina B2
- Flavina mononucleotid (FMN): es un derivat de la riboflavina o vitamina B2
- Coenzim Q: es una quinona; interven a la cadena respiratòria e transpòrta pas que d'electrons
- Transportadors de grops quimics:
- Coenzim A (CoA-SH): interven en la transferéncia del grop acil; es un derivat del pantotenat o vitamina B5
- Biocitina: interven en la transferéncia del grop carboxil
- Piridoxal fosfat (PyF): interven en la transferéncia del grop amino; es un derivat de la piridoxina o vitamina B6
- Metilcobalamina: interven en la transferéncia d'unitats de carbòni; es un derivat de la cobalamina o vitamina B12
- Tetrahidrofolat (THF): interven en la transferéncia d'unitats de carbòni; es un derivat del acid fòlic
- Tiamina pirofosfat (TPP): interven en la transferéncia del grop aldeïd; es un derivat de la tiamina o vitamina B1
