Claudio Monteverdi
Un article de Wikipèdia, l'enciclopèdia liura.
Claudio Monteverdi (Cremona, lo 15 de mai de 1567 (batejat) – Venécia, lo 29 noveme de 1643) compositor e muscian (cantador e jogador de viòla) italian deu debut deu periòd barròc e deu debut deu desenvolopament de l'opèra. Lo son opèra lo mei famós qu'ei L'Orfeo.
[Modificar] Vita
Monteverdi qu'arrecevó la soa educacion musicau dens la soa ciutat nada de Cremona dab Marc'Antonio Ingegneri compositor e mèste de capera de la catedrala. Que publiquè las soas purmèras òbras musicau hèra de d'òra, de cap a 1582. En 1590 qu'entrè au servici Vincenzo I de Gonzaga dens la soa cort de Mantua com cantador e jogador, e, en 1602 que gavidè los sons musicians. Com compositor, que desemvolopè la monodia (en oposicion dab la polifonia dominanta d'aqueth temps) en privilegian certas votz çò qui permetèva ua miélher comprension deu texte e qui aubriva lo camin de cap a l'operà. L'Orfeo, lo son purmèr operà que ho estreat a Mantua en 1607. En 1613 que vadó director d'orquestre a la Basilica Sant Marc a Venécia. Que ho ordenat prèste en 1632. Que ho sepelit dens la glèisa de Frari.
