Batalha de Murèth

Un article de Wikipèdia, l'enciclopèdia liura.

Batalha de Murèth
La Batalha de Murèth d'après una enluminadura del sègle XIV
Data	13 de septembre de 1213
Luòc	Murèth
Resulta	Victòria francesa decisiva
Armadas presentas
Crosats Franceses	Comtat de Tolosa Corona d'Aragon Feudals Occitans
Comandants
Simon IV de Montfòrt Bouchard de Marly Guillaume des Barres	Pèire II d'Aragon Raimon VI de Tolosa Bernat de Comenge Raimon Rogièr de Fois
Fòrças presentas
Pèrdas
Crosada dels Albigeses

La Batalha de Murèth se debanèt lo 13 de septembre de 1213 a Murèth a 15 km al sud de Tolosa. Es un episòdi màger de la Crosada dels Albigeses. S'i afrontèron las fòrças occitanò-aragonesas menadas per Pèire II d'Aragon e Raimon VI de Tolosa als crosats mai que mai franceses menats per Simon de Montfort. Lo rei d'Aragon i morriguèt e las armadas occitanò-aragonesas foguèron desfachas.

[Modificar] Contèxt

Dempuèi quatre ans, una armada crosada francesa opera en Occitània dins la tòca d'eradicar lo catarisme. Après lo chaple de Besièrs e la presa de Ciutat de Carcassona (1209), Simon IV de Montfòrt contunha sa progression. S'es apoderat las tèrras dels vescomtats de Raimon-Rogièr Trencavel, puèi s'es atacat al Comtat de Tolosa. La crosada vira lèu a una guèrra de conquista. Lo rei En Pèire II d'Aragon, comte de Barcelona e senhor de Montpelhièr, èra sobeiran de mantun senhors lengadocians, demest los quals lo vescomte Trencavel. Tafurat de la venguda d'aquesta crosada dins sa zòna d'influéncia, assajèt mantun còps de far lo mediator entre las doas partidas, e reconeguèt pas Montfòrt coma vescomte de Carcassona e de Besièrs que per fòrça. Sos intereses e sos ligams feudals anavan contra la conducha que li impausava lo poder de la glèisa de Roma, e son ròtle de sobeiran catolic.