Discutir:Alfabet occitan

Un article de Wikipèdia, l'enciclopèdia liura.

[Modificar] Transcripcions foneticas

Compreni pas ben perqué lei transcripcions foneticas fan referéncia unicament au lengadocian (o au gascon). : v, r, bl prononciat pl... I auriá una identificacion implicita "occitan = lengadocian" ? Vivarés 10 de nov de 2006 pm 18:58 (UTC)

Non, de segur. L'occitan se resumís pas au lengadocian, de ges de biais. Per còntra sabes ben que, dempuei leis estudis de Pèire Bèc, lo lengadocian pòt èstre lo representant per defaut de l'occitan larg, sens exclure pasmens leis autrei varietats regionalas de l'occitan larg (provençau generau, niçard, vivaroaupenc, auvernhat, lemosin, gascon). Vesi ges d'inconvenient per completar lo tablèu amb lei pronóncias mai regionalas. O pòdi faire se tròbi lo temps, un pauc coma dins lei tablèus de la pronóncia de l'occitan.--Aubadaurada 19 de nov de 2006 a 14:30 (UTC)

Precisi que Pèire Bèc utiliza lo tèrme occitan referenciau e que lo tèrme equivalent d'occitan larg, posterior, es de Patric Sauzet, coma sabes, mai aquò càmbia pas la problematica.--Aubadaurada 19 de nov de 2006 a 17:39 (UTC)

Tòrni dire qu'aquesta presentacion de la prononciacion introdutz una inegalitat entre lei parlars, estent que lo títol de l'article es alfabet occitan. Utilizar a títol personau una lenga estandardizada es una causa, mai toteis aquelei tablèus que son fachs per servir de referéncia pausan un problèma diferent, e devon respectar l'egalitat entre dialèctes. Per lo moment, la politica lingüistica "explicita" de la wikipèdia es l'egalitat de tractament dei dialèctes, e la nocion de prononciacion estandard mejana, e pus generalament d'estandard, i es pas estada definida. La question es de trobar lo biais de presentar l'article. Coralament, Vivarés 15 de mai de 2007 a 22:58 (UTC)

La prononciacion estandard mejana es estada definida dins de publicacions divèrsas, en particular de Bèc, Sauzet e Teulat: pòdes pas faire coma s'aquò existissiá pas; e se referir a aquelei causas es pas una violacion de la Carta lingüistica. Per la rèsta, tu veses un problèma de presentacion ont ieu ne vesi ges; mai es pas grèu, podèm completar lei colomnas de presentacion en ajustant cada grand dialècte, se vòs.--Aubadaurada 15 de mai de 2007 a 23:04 (UTC)