VTI Fotball
Frå Wikipedia – det frie oppslagsverket
VTI Fotball er ei vidareføring av Volda Fotballag vart starta opp i 1916. Fotballaget kom som eit tillegg til Voldens Turnforening, som vart stifta allereide i 1899. Seinare vart fotballaget ein del av overbygginga VTI (Volda Turn og Idrottslag) som vart til etter andre verdskrigen i 1945.
Siste åra (etter år 2000) har fotballgruppa trekt seg ut som ei eiga juridisk eining, men framleis med sterke band til allianseidrettslaget VTI.
VTI Fotball har base på Volda stadion, der ein no (2008) har eit anlegg med klubbhus, ei grusbane og og to kunstgrasbaner .
VTI Fotball har bortimot 40 ulike lag i serie- og turneringssystemet til Sunnmøre fotballkrets (SFK), og er med det ein av dei største klubbane på Sunnmøre.
Fotballstyret er øvste organ i klubben, og under seg har dei mange komitear, utval og foreldregrupper for å halde hjula i gong. For med rundt 400 aktive fotballspelarar trengs det eit stort apparat av friviljuge til å legge ting best mogleg til rette.
