Volvisjøen

Frå Wikipedia – det frie oppslagsverket

Volvisjøen
Stad	Thessaloniki prefektur
Koordinatar	40°40′54″N 23°28′02″EKoordinatar: 40°40′54″N 23°28′02″E
Tilknytta land	Hellas
Overflateareal	68 km²
Middeldjup	20 m

Volvisjøen (gresk: Λίμνη Βόλβη Limni Volvi, bulgarsk/makedonsk: Бешичко Езеро, Besjitsjko Ezero), óg kalla Bolbi, var namnet på ein innsjø i Mygdonia, ikkje langt frå Egearhavet. Han er om lag 19 km lang og mellom 10 og 13 km brei. Innsjøen rann ut i Strymonbukta via ei elv som rann gjennom eit pass ein gong kalla Aulon eller Arethusa. Namnet på elva er ikkje nemnd av Thukydides i skildringa hans, men er tydlegvis den same elva som Erekhios (romanisert som Rekhios) i Prokopios (de Aedificiis, 4.4). Av mindre elvar som munnar ut i innsjøen er det nemnd Ammites og Olynthiakos. Abboren (labrach) i innsjøen vert særleg trekt fram av den gastronomiske diktaren Arkhestratos.

Det var óg ein by kalla Bolbos nær innsjøen. I dag er det fleire byar som har Vólvi i namnet sitt, og som ligg langs innsjøen. Ein veit ikkje sikkert om nokre av desse moderne landsbyane er den same som den antikke Bolbos.

Innsjøen heiter i dag Volvisjøen og ligg i prefekturet Thessaloniki i Hellas. Han ligg aust for Koroneiasjøen eller Lagkadisjøen. I vest ligg den smale Rentina, óg kalla Den makedonske Tempe sidan han liknar dalen Tempe. Volvisjøen er den nest største innsjøen i Hellas og har eit areal på 68 km² og eit djup på 20 meter.

For om lag ein million år sidan var Volvisjøen og Kerkinissjøen og heile Mygdonia ein enkelt stor innsjø.

[endre] Bakgrunnsstoff

• Kart over Volvisjøen
• Artikkel om Volvisjøen med bilete.

[endre] Kjelde