Svartbak
Frå Wikipedia – det frie oppslagsverket
| Svartbak |
||||||||||||||
|---|---|---|---|---|---|---|---|---|---|---|---|---|---|---|
 |
||||||||||||||
| Systematikk | ||||||||||||||
|
Svartbak (Larus marinus) er ein fugl frå måsefamilien. Han vert ogso kalla for havmåse; i Nord-Noreg vert han gjerne kalla stormåse, eit namn som òg kan omfatte gråmåsen. Arten er jaktbar.
Innhaldsliste |
[endre] Skildring
Svartbaken er den største av måsane med si lengd på 70 cm og vekt på omlag 1,5 kg. Både hann- og hofuglen er svært like. Dei vaksne fuglane har gråsvart/svart overside, medan resten av kroppen er kvit. Ungfugl har ein meir brunspetta fjørdrakt.
Viktige fluktkjenneteikt er dei kvite vengespissande. I flukt virker dei svarte vengene breiare og ikkje så spisse.
I vinterdrakt har hovud og hals brune strekflekker. Ungfuglane kan likne på gråmåsa, men den kvite undersida er mindre flekkete hjå svartbaken. Den brunspraglete oversida er meir kontrastrik.
Forvekslingsart Fuglen liknar mykje på sildemåse, men er mykje større, medan beina er gråaktige og kjøttfarga, ikkje gule. Ungfuglar er vanskelege å sjå forskjell på.
[endre] Hekking
Svartbaken ruger langs det meste av norskekysten. Han ruger i spredte par eller i koloniar, og har nokså stort reir av strå, tang og mose. Svartbaken legg 3–4 egg i april til mai. Egga er mykje større enn eit vanleg måseegg. Dei er lys gråbrune med svakt grønaktig skjær og med mørkebrune og gråfiolette flekkar.
Ungane er flygedyktige 45–50 dagar gamle, men dei forlet reiret rett etter dei kjem ut av egget. Han er vaksen etter fire år. Stemma er mørk og grov.
[endre] Levevis
Svartbaken er ofte på tokt der han tek både egg og fugleungar. Dei et og mindre sjødyr, smågnagarar, åtsel og avfall. Mange overvintrar, andre reiser i august til vest-Europa.
Som vaksen har ikkje fuglen noko særleg til fiendar, men ungane kan takast av både rev og rovfugl.
[endre] Utbreiing
Svartbaken finst langs heile norskekysten og noko meir sjeldan ved ferskvatn i innlandet.
Ein finn han ofte ilag med flokkar av storskarv. Han et ein del av det skarven gulpar opp.
