Skyforger
Frå Wikipedia – det frie oppslagsverket
Skyforger er eit svartmetallband frå Latvia som spelar ein form for svartmetall som ofte blir kalla folkemetall, eller folk metal. Bandet blei danna i 1995 og har gitt ut fem fullengdarar, og av dei er den eine ei nyinnspeling av den første demoen deira frå 1997. Musikken dei spelar er sterkt påverka av folkemusikk, noko ein lett kan høyra ut frå bruken av tradisjonelle folkeinstrument og folketonar.
Albumet Zobena Dziesma (Sverdsongar), som vart utgitt i 2003, består berre av latviske folkeviser. Eit gjennomgåande tema i tekstane er og lokalhistorikk og lokal naturreligion, noko som minnar om kva det norske bandet Windir gjorde. Dei to banda har elles ulike musikalske uttrykk. Skyforger er eit av Europas mest kjende band innan sin sjanger, men har nok størst oppslutning i Latvia ettersom dei fleste tekstane er på morsmålet deira.
Enkelte har sett på Skyforger som nazistisk musikk på grunn av deira sterke «nasjonalromantiske» preg, samt at logoen deira inneheld eit symbol som minner om solkorset. I realiteten har dette symbolet snarare med folklore å gjere, ettersom korset i baltisk tradisjon er eit symbol på torden, og kan difor sjåast i samanheng med bandnamnet. Bandet sjølv avviser alle anklager som set dei i nynazistisk lys.
[endre] Medlemmer
- Peter - Gitar, vokal og tradisjonelle instrumenter
- Rihards - Gitar
- Edgar «Zirgs» - Bassgitar, støttevokal og tradisjonelle instrumenter
- Edgar «Mazais» - Trommer og perkusjon
- Kaspars - Tradisjonelle instrumenter og støttevokal
[endre] Utgitte plater
- Semigall’s Warchant (1997) (demo)
- Kauja pie Saules (Battle of the Saule) (1998)
- Latviešu Strēlnieki (Latviske Riflemenn) (1999)
- Pērkonkalve (Toresmie) (2003)
- Zobena Dziesma (Sverdsongar) (2003)
- Semigalls' Warchant (2005) (Nyutgjeving av '97-demoen med fire ekstra songar)
