Sigurd Pettersen
Frå Wikipedia – det frie oppslagsverket
Sigurd Pettersen (fødd 28. februar 1980) er ein norsk skihoppar. Han representerer Rollag & Veggli. Pettersen debuterte relativt seint i verdscupen. Under leiing av den nye hopptrenaren, Mika Kojonkoski frå Finland, fekk Sigurd Pettersen sitt endelege gjennombrot i og med verdscupsigeren i Granåsen i Trondheim vinteren 2002.
Det førebels største i karriera til Pettersen er hoppvekesigeren i 2003/04 der han vann tre av dei fire renna. Det var etterlengta for Hopp-Noreg – med unnatak av sigeren til Espen Bredesen i 1993/94 må ein over 30 år tilbake for å finne ein norsk vinnar.