Sandnessjøen kyrkje
Frå Wikipedia – det frie oppslagsverket
| Sandnessjøen kyrkje | ||
 |
||
(22. april 2007) |
||
| Generelt | ||
| Sokn: | Sandnessjøen | |
| Innvigd: | 31. juli 1882 | |
| Kyrkjegard: | ved kyrkja | |
| Arkitektur | ||
| Type: | krosskyrkje | |
| Arkitekt: | A. Grenstad | |
| Materiale: | tre | |
| Kyrkjerommet | ||
| Plassar: | 600 | |
Sandnessjøen kyrkje er ei krosskyrkje i gotisk stil bygd i 1882 i Sandnessjøen sokn i Nord-Helgeland prosti.
Kyrkja skal vere bygd med 600 plassar, utan at det inneber at det med dagens krav til branntryggleik og komfort er plass til så mange menneske i kyrkja. Kyrkja vart bygd under namnet Stamnes kyrkje. I Sandnessjøen kallar dei gjerne kyrkja for Helgelandsbrura.
[endre] Historie
Då Vefsn sokn vart utskilt frå Alstahaug ved kongeleg reskript 6.3.1767, vart det samstundes bestemt at Sandnes kapell, som var forfalle og uhøveleg for kyrkjelyden, skulle rivast, og i staden skulle dei byggje ei ny kyrkje på Stamnes og opprette eit Stamnes sokn med gardane Sund, Hellesvik, Fornes, Selvågan, Moen, Løkåsen, Simsøya, Tømmervik, Leland, Breiland, Nordnes, Tovåsen, Vatnet, Sommerset, Leira, Drogsåsen, Forsland, Forslandsdalen, Langforsen, Nyland, Valberg, Kvitingen, Tjærstad, Dagsvik, Ottingen, Laingen og Remnes.
11.12.1861 vart Stamnes gjort til hovudsokn i Alstahaug prestegjeld. 18.9.1914 vart Leirfjord skilt ut frå Stamnes sokn som eit eige Leirfjord sokn. Det er sidan gjort fleire endringar i soknegrensene. Frå 1.7. 1948 vart soknenavnet Stamnes endra til Sandnessjøen.
Ved kgl.res. 16.2.1881 vart det tillate å rive den gamle kyrkja på Stamnes og oppføre ei ny i staden.
[endre] Diverse
I 1993 var Sandnessjøen kyrkje motiv på eit frimerke (NK nr 1191).
