Royal Festival Hall

Frå Wikipedia – det frie oppslagsverket

Royal Festival Hall er ein konsertsal, dansesal og foredragssenter i Southbank Centre i London. Det ligg på South Bank ved Themsen, ikkje langt fra Hungerford Bridge. Bygninga er verna (Grade I); den blei i april 1988 den første etterkrigsbygning som fekk slik status.

Grunnsteinen blei lagt ned av dåvrande premierminister Clement Attlee i 1949, på staden der Lion Brewery hadde stått sidan 1837. Den blei bygd av Londons grevskapsråd i samband med Festival of Britain, og blei offisielt opna 3. mai 1951.

Designet er modernistisk, og hovudarkitekten Hugh Casson valte å berre bruke unge arkitektar på prosjektet. Leslie Martin, Peter Moro og Robert Matthew fra LCC utførte teikningane.

I 1964 blei bygninga kraftig endra ved at innganghaller og terrassar blei lagt til mot elva, og fleire omkledningsrom blei lagt til på baksida. Dette endra stilen frå skandinavisk modernisme til ein reinare stil med hardare linjer. Det opphavlege inngangspartiet blei veldig forandra.

Sidan 1980-årene har inngangssalen vore open for publikum også når det ikkje er konsertar. Den har blitt eit av dei mest populære offentlege rom i London, med god beskyttelse mot det britiske regnveret.

Det er 2 900 sete i sjølve salen, og i tillegg 917 i Queen Elizabeth Hall og 370 i Purcell Room.