Pielisjärvi
Frå Wikipedia – det frie oppslagsverket
| Pielisjärvi | |
|---|---|
 |
|
| Koordinatar | |
| Tilsig | Koitajoki & Lieksa elv |
| Utsig | Pielis elv |
| Tilsigsområde | 13 900 km² |
| Tilknytta land | Finland |
| Største lengd | 107 km |
| Største breidd | 43 km |
| Overflateareal | 894,21 km² |
| Middeldjup | mindre enn 10 m |
| Høgd over havet | 94 m |
| Øyar | 1 259 |
| Busetnadar | Nurmes |
Pielisjärvi eller Pielinen er den femte største innsjøen i Finland med eit areal på 894,21 km². han ligg i området Norra Karelen i ei høgd på om lag 94 meter over havet. Innsjøen har ei lengd på 107 km, og er 43 km på det breiaste.
Tilsigsområdet til innsjøen er på 13 900 km², der om lag 6 000 km² ligg på den russiske sida av grensa. Innsjøen vart isfri for om lag 9600 år sidan, og i starten rann vatnet ut i den nordlege enden, men på grunn av landhevinga etter den siste istida rann vatnet seinare ut i dei midtre delane av innsjøen, og seinare i dei sørlege delane gjennom elva Pielis.
Heilt nord i innsjøen ligg byen Nurmes. Koli nasjonalpark ligg langs vestsida av innsjøen, og tettstaden Lieksa på austsida.
Asteroiden 1536 Pielinen er kalla opp etter innsjøen.
