Penna Forlag
Frå Wikipedia – det frie oppslagsverket
Penna Forlag AS er eit norsk forlag som blei etablert i Førde i Sogn og Fjordane i byrjinga av 2007. Forlaget er eigd av Johannes Fleten, som er styreleiar, og Iris Loftheim Valaker, som er dagleg leiar. Det har kontora sine i Elvevegen i Førde.
Forlaget opplyser i ei pressemelding at dei skal ha som føremål å «vere eit forlag for folk flest, og skal ha hovudvekt på produksjon og sal av bøker som er spesielt retta mot vestlandsregionen». Den første boka frå forlaget var skriven av Ole Johannes Øvretveit og kom ut i oktober 2007. Den største salsuksessen til forlaget er nok likevel boka Til Førde skriven av Firda-journalist Stig Roger Eide. Boka har vorte svært populær i sunnfjordbyen.
