Oslo Børs
Frå Wikipedia – det frie oppslagsverket
Oslo Børs er den einaste norske børsen. Her blir det kjøpt og selt aksjar, grunnfondsbevis og andre verdipapir.
Aksjeselskap kan noterast på Oslo Børs. Det er opp til selskapet sjølv å søkje om dette, men selskapet må oppfylle visse krav for å kunna bli tatt opp til notering. Desse krava omfattar mellom anna talet på eigarar, talet på aksjar og storleik på selskapet. Årsaka til at eit selskap kan ønskje å bli notert på børsen, er som regel å gi aksjen ein større marknad og få enklare tilgang til kapital ved ein emisjon.
Oslo Børs vart grunnlagt i 1819. Børsen vart privatisert i 2001 og er no eigd av Oslo Børs Holding.
