Naseblødning
Frå Wikipedia – det frie oppslagsverket
Naseblødning (epistaxis) er blødning frå tynne blodårer i slimhinna i nasen. Å blø naseblod er vanlegvis heilt ufarleg, og tilstanden går vanlegvis raskt over av seg sjølv.
Det kan vera mange grunnar til at ein blør naseblod. Ei vanleg årsak er slag eller støyt på nasen, eller brot på nasebeinet. Men naseblødningar kan òg koma av trykkendringar, stress, allergi, tørr luft og mange andre små eller store påkjenningar. Nokre personar får lettare naseblødning enn andre, og gjerne utan at ein kan sjå ei klår årsak til blødninga.
Naseblødningar treng normalt ikkje behandlast, men går over av seg sjølve når blodet levrar seg. Nokre velkjende råd er å leggja press på nasen med fingrane og å leggja hovudet bakover eller framover.
Dersom ein blør svært mykje, kan det vera hol i ein arterie bak i nasen. Då må ein kontakta ein lækjar. Om blødninga ikkje vil gje seg i løpet av nokre minutt, eller om ein blør naseblod svært ofte, bør ein òg gå til lækjaren.
[endre] Kjelder
- caplex.no
- [1] og [2] nettdoktor.no
- Wikipedia på svensk
