Milton Keynes

Frå Wikipedia – det frie oppslagsverket

Milton Keynes er ein by i Buckinghamshire, England, omkring 80 km nord for London. Det er ein av dei nye byane som blei grunnlagd i 1960-åra for å legge til rette for ekspansjon i søraust-England. Den blir ofte kalla New City eller MK. Byen hadde 177 500 innbyggjarar i 2001, og er i sterk vekst. I 1997 blei den lausrive frå Buckinghamshire i politisk samanheng, og blei sentrum i distriktet Milton Keynes. Lokalt er det eit ynskje om at byen skal få status som city, men folketalet må truleg vekse noko meir før dette blir aktuelt.

Meiningane om byen er delte; engelske byar er kjende for å vere stolte av sin historie, og Milton Keynes har lite å konkurrere med i så måte. På plussida kan ein seie at trafikksystemet er moderne og kan handtera biltrafikk i dag, og bustadprisane er òg svært mykje lågare enn i London, samstundes som det er mogleg å pendle både til hovudstaden og til andre byar i nærleiken.