Meisfjorden
Frå Wikipedia – det frie oppslagsverket
Meisfjorden er ein om lag 9 km lang fjord i Leirfjord på Helgeland. Fjorden er smal, frå 150 til 500 m. Midtvegs ligg Meisfjordholmen som nesten deler fjorden i to.
Fjorden er i nord avgrensa av Ulvangsøya, ei smal landtunge mot Ulvangen, og vidare av fastlandet. I sør er fjorden avgrensa av den smale Leinesodden som skil Meisfjorden frå Leirfjorden. Inst i fjordbotnen ligg garden Meisfjorden.