Manger

Frå Wikipedia – det frie oppslagsverket

**Manger**
Plassering
Manger
Radøy i Hordaland
Geografi
Folketal^[1]	840 (2008)
Folketettleik	730,4 /km²
Areal^[1]	1,15 km²
Koordinatar	60°38′38″N 5°2′29″EKoordinatar: 60°38′38″N 5°2′29″E
Annan informasjon
Ferdselsårer	565
Postnummer	5936 MANGER

Manger er namnet på ein tettstad i Radøy kommune, på eit prestegjeld i Radøy kommune og på eit sokn i det prestegjeldet, og det var tidlegare namnet på ein norsk kommune i Nordhordland.

[endre] Bygda og tettstaden Manger

Manger er ein tettstad som er kommunesenter i Radøy kommune i Hordaland fylke. Staden ligg vest på Radøya. Riksveg 56 går gjennom staden.

Manger folkehøgskule som mellom anna har musikklinje spesialretta for messingblåsarar og slagverkarar ligg i bygda, og saman med mellom andre Manger Musikklag har det vore medverkande til at det har utvikla seg eit rikt korpsmusikkliv i området.

Også idrettsmiljøet på Manger er godt. Blant anna husar bygda den norske bordtennisspelaren Tommy Urhaug som har fleire VM- og EM-gull. Det fins ein symje- og idrettshall i bygda, Radøyhallen. Der trenar mellom anna Radøy Symjeklubb. I hjertet av bygda ligg hovudsetet for Radøy/Manger Fotballklubb. Det har også vore eit godt sykkel- og friidrettsmiljø i bygda.

[endre] Prestegjeldet og kyrkjesoknet Manger

Manger er eit prestegjeld i Nordhordland prosti i Bjørgvin bispedøme i Den norske kyrkja. Prestegjeldet famnar same område som Radøy kommune, og har tre sokn; Hordabø, Manger og Sæbø. Desse sokna tilsvarar stort sett dei tre tidlegare kommunane med same namn. Det er fire kyrkjer i prestegjeldet; Hordabø kyrkje, Manger kyrkje, Sæbø kyrkje og Emigrantkyrkja på Sletta. I tillegg er prestegjeldet medeigar i Fjon fjellkyrkje.

[endre] Den tidlegare kommunen Manger

Manger vart eigen heradskommune frå 1838 i samsvar med formannskapslovene av 1837. Etter kvart vart sokna Herdla, Hjelme, Sæbø og Hordabø delt i frå til eigne sjølvstendige heradskommunar. Ved kommunesamanslåinga gjeldande frå 1964 gjekk Manger kommune inn i den nye Radøy kommune, saman med kommunane Sæbø og Hordabø. Kommunen låg i Nordhordland, og før kommunesamanslåinga i 1964 grensa dåverande Manger mot Hordabø kommune i nord, til Lindås i aust, til Sæbø i sør og til Hjelme kommune i vest.