Kristján Eldjárn
Frå Wikipedia – det frie oppslagsverket
Kristján Eldjárn (fødd 6. desember 1916 i Tjörn i Svarfaðardal, død 14. september 1982 i Reykjavík) var den tredje presidenten på Island, frå 1968 til 1980.
Foreldra var Þórarinn Kr. Eldjárn, som var bonde og lærar i Tjörn, og Sigrún Sigurhjartardóttir. Han tok eksamen i arkeologi ved Københavns Universitet og underviste seinare ved Háskóli Íslands (Universitetet på Island). I 1957 fekk han ein doktorgrad for undersøkingane sine om heidenske gravskikkar på Island. Seinare blei han leiar av Nasjonalmuséet på Island.
Ved presidentvalet i 1968, der han stilte mot ambassadør Gunnar Thoroddsen, låg han først under på meiningsmålingane. Motkandidaten hadde først 70% tilslutnad på målingane, men Kristján Eldjárn vann valet med 65,6% av røystene, i eit val der valdeltakinga låg på heile 92,2%. Han vart attvald utan motkandidat i 1972 og 1976.
Føregjengar: Ásgeir Ásgeirsson |
Islandsk president |
Etterfylgjar: Vigdís Finnbogadóttir |