Indre Oslofjord

Frå Wikipedia – det frie oppslagsverket

Indre Oslofjord er den delen av Oslofjorden som er nord for det omkring 1 km smale Drøbaksundet nord for Hurumlandet. Han ligg i fylka Oslo og Akershus og strekk seg heilt inn til hamnebassenget føre Rådhuskaia i Oslo by. Indre Oslofjord er frå 3 til 7 km brei.

Innhaldsliste 1 Geologi 2 Båttrafikk og friluftsliv 3 Øyar i Oslo 4 Øyar i Akershus 5 Forureining 6 Sjå òg 7 Bakgrunnsstoff 8 Kjelder

[endre] Geologi

Indre Oslofjord er til dels forma av istidene dei siste 2,5 millionar åra. Dessutan finst lausmassar som vart avsett då isen trekte seg tilbake etter den siste istida for 9000 år sidan. Ås-Ski-trinnet dannar terskelen for Indre Oslofjord. Store sandterrassar vart avsett da iskanten låg ved Drøbak-Svelvik.

[endre] Båttrafikk og friluftsliv

Oslofjorden har den høgaste trafikken av båtar, både ferjer, lastebåtar, charter- og fritidsbåtar, i landet. Indre og Ytre Oslofjord er dessutan det tettast folkesette friluftsområde med tilknyting til sjøen i landet. Hyttene langs kysten er mange og svært dyre, og aktivitetsnivået er særleg høgt om sommaren.

Uthamner

• Middagsbukta
• Gressholmen
• Steilene
• Håøya
• Sandspollen
• Vindfangerbukta

[endre] Øyar i Oslo

• Gressholmen
• Hovedøya
• Lindøya
• Malmøya
• Ormøya
• Ulvøya
• Bleikøya
• Sjursøya
• Nakholmen

[endre] Øyar i Akershus

• Brønnøya i Asker
• Danmark i Akershus
• Høyerholmen
• Kalvøya i Bærum
• Langøyene i Bunnefjorden
• Nesøya

[endre] Forureining

Avløpsvatn frå industrien og frå innbyggjarane i kommunane Oslo og Bærum har ført til ein stor del forureining i Indre Oslofjord. Sidan Drøbaksundet er såpass smalt gjer dette at utskiftinga av vatnet i fjorden innanfor er derfor liten. Dette har ført til oksygenmangel på djupt vatn i Indre Oslofjord. Det gjeld særleg Oslofjorden inste, sørgåande arm, Bunnefjorden. Det er gjort ei rekkje tiltak for å dempe forureininga og rydde opp i Indre Oslofjord dei seinare åra.

Mellom Malmøykalven i Oslo og Langøyene, Husbergøya og Skjærholmene i Nesodden, har det dei siste årene vorte dumpa store mengder slam og sediment frå mudring i Bjørvikaområdet, massar som er grave ut i samband med bygginga av operahuset, og ein ny tunnel. Det har derimot vore stor usemnje om i kva grad av forureining dette fører til.

[endre] Sjå òg

• Oslofjorden

[endre] Bakgrunnsstoff

• Oslofjordens friluftsråd
• Verneplan for Indre Oslofjord
• Havtemperaturar og straumar i Indre Oslofjord
• havna.com Kart over hamnebassenget i Oslo.

[endre] Kjelder