Hui

Frå Wikipedia – det frie oppslagsverket

Hui
Geografi
Stad	Ytre Oslofjord
Koordinatar	59°07′16″N 10°21′32″EKoordinatar: 59°07′16″N 10°21′32″E
Areal	1,4 km²
Høgaste punkt	34 moh
Administrasjon
Land	Noreg
Fylke	Vestfold

Hui, Hudøy eller Hudø er ei øy i Tønsbergfjorden vest i Tjøme kommune. Hudøy er på rundt 1,4 km² og har ein flott natur med alt frå svaberg, knausar og knattar til urørt skog.

Hui er ei av øyane i Tjøme sin skjergard som tidlegare hadde fast busetnad, men øya har ikkje vore busett sidan 1985. Rundt hundreårsskiftet budde det omkring 150 menneske der. Dei fleste levde av ein kombinasjon av jordbruk, fiske og skipsfart.

Øya er eigd av Oslo kommune, og er mest kjend for sine feriekoloniar eller sommarleirar for vanskelegstilte born frå byen. Feriekolonidrifta byrja på Hui i 1916. Feriekoloniane vart tidlegare drive direkte av Oslo kommune, men frå 1991 har kommunen samarbeida med Kirkens bymisjon gjennom Stiftinga Hudøy. Hudøy har i dag 59 bygg fordelt på 11 leirstader.

Forfattarane Alf Larsen (1885-1967) og Åsmund Brynhildsen (1917-1974) kom begge frå Hudøy. Brynhildsen utgav i 1974 memoarboka Hudø. Bilder fra en barndom med illustrasjonar av grafikaren Hans Gerhard Sørensen (1923-1999).

[endre] Bakgrunnsstoff

• Kart og luftfoto over øya
• Stiftinga Hudøy
• Hudø gård
• Alf Larsens barndomsrike på Hudø
• Måleri med Hudøy-motiv
• Oslo kommune sin feriekolonidrift

[endre] Kjelder