Gaisberg

Frå Wikipedia – det frie oppslagsverket

Gaisberg
Utsyn mot Gaisberg frå Leopoldskron
Høgd over havet	1 288 m
Ligg i/på	Austerrike
Fjellkjede	Dei nordlege kalksteinsalpane
Koordinatar	47°48′20″N, 13°06′45″E
Lettaste rute	veg

Gaisberg er eit fjell aust for Salzburg i Austerrike. Det høyrer til Osterhorngruppe (ein del av Dei nordlege kalksteinsalpane) mellom Lammertal og Wolfgangsee. Det går ei bussrute frå Salzburg til fjellet, som er ein populær vintersportsstad, og som kan tilby andre fritidsaktivitetar som turgåing, fjellsykling og paragliding. På toppen av fjellet står ein 100 m høg TV- og radiosendar, som vart bygd i 1956. Frå 1887 til 1928 gjekk det ein tannhjulbane, Gaisbergbahn, frå byen og til toppen av fjellet, men i 1929 vart denne lagt ned då dei bygd veg til toppen.

[endre] Gaisberg-løpet

Gaisberg-løpet var eit bil- og motorsykkelløp mellom 1929 og 1969, som ein del av det europeiske meisterskapet i bakkeløp. Det første løpet gjekk 8. september 1929 med 83 deltakarar. Fleire kjende Formel 1-førarar og andre billøp-førarar har deltatt i løpet.

I 2003 starta ein opp att det historiske løpet, og i 2004 feira ein 75-årsjubileum. [1].

[endre] Lenkjer ut

• Webkamera frå toppen av Gaisberg.
• Webkamera ved Hotel Kobenzl i fjellsida til Gaisberg
• Historisk film frå motorsykkelløpet i 1933
• Paraglidinginformasjon