Fjord1

Frå Wikipedia – det frie oppslagsverket

Fjord1, også omtalt som «Fjord1 Nordvestlandske», er eit transportkonsern som i hovudsak driv med ferje-, båt- og rutebiltransport. I tillegg driv dei reiselivsverksemd. Aktiviteten er i hovudsak knytta til Møre og Romsdal og Sogn og Fjordane, men dei er også å finne andre stader i landet.

Konsernet er delt opp i fleire transportselskap. Dei to største er Fjord1 MRF (tidlegare Møre og Romsdal Fylkesbåtar) og Fjord1 Fylkesbaatane (tidlegare Fylkesbaatane i Sogn og Fjordane). I tillegg eig selskapet dei fem busselskapa Buss Møre, Nordfjord - Ottadalen(tidlegare Ottadalen billag), Sogn Billag og Hallingdal Billag. Godsselskapet Fjord1 Gods Møre er også ein del av konsernet.

Selskapet er eigd med 59 prosent av Sogn og Fjordane fylkeskommune og 41 prosent av Møre og Romsdal fylkeskommune og vart stifta i 2001. Selskapet har vunne ferjekonsesjonar i Rogaland, Hordaland og Finnmark.

Hovudkontoret til selskapet ligg i Florø.