Feldberg

Frå Wikipedia – det frie oppslagsverket

Feldberg
Høgd over havet	1 493 moh
Ligg i/på	Bayern i Tyskland
Fjellkjede	Schwarzwald
Koordinatar	47°52′N 8°0′EKoordinatar: 47°52′N 8°0′E

Feldberg er det høgaste fjellet i Schwarzwald, og det høgaste fjellet i Tyskland utafor Alpane med ei høgd på 1 493 meter over havet. Freiburg im Breisgau er den næraste byen.

Feldberg vert òg nytta som namn på to mindre fjell i Hochtaunuskreis 300 km lenger nord, Kleiner Feldberg (825 m) og Großer Feldberg (880 m).

Feldberg er i tillegg namnet på eit lokalt landsbysamfunn som består av landsbyane Bärental, Feldberg, Falkau, Altglashütten og Neuglashütten.

Innhaldsliste 1 Geografi 2 Klima 3 Sport og fritid 4 Bakgrunnsstoff 5 Kjelde

[endre] Geografi

Feldberg ligg søraust for Freiburg im Breisgau, og er omringa av landsbysamfunna Hinterzarten, Titisee, Menzenschwand, Bernau og Todtnau. Frå den høgaste toppen går det eit platå 2 km mot søraust til toppen Seebuck (1 448 m). Frå her går ein djup dal mot nordaust, der ein mellom anna finn innsjøen Feldsee. Andre djupe dalar rundt Feldberg er Zastlertal i nordvest og Wiesental i sørvest.

[endre] Klima

Den årlege middeltemperaturen er rundt 3 °C. Den normale årsnedbøren er på 2 114 mm, og det meste av dette kjem som snø. August er den einaste månaden som ikkje har hatt snøfall på toppen.

[endre] Sport og fritid

Feldberg er det største skisenteret i Tyskland utafor Alpane. Den første skiheisen vart bygd her i 1907. I dag er det om lag 28 skiheisar og over 50 km med utforløyer på fjellet. Turisme er derfor hovudnæringa til innbyggjarane ved fjellet.

[endre] Bakgrunnsstoff

• Feldberg: Historie og bilete
• Bilet galleri
• Webkamera

[endre] Kjelde