deLillos

Frå Wikipedia – det frie oppslagsverket

deLillos er ei velkjend norsk rockegruppe som har utmerka seg ved å skriva ei rekke fengjande låter på norsk. Det absolutt store gjennombrotet kom i 1993 med albumet Neste sommer, men alt sidan den første utgjevinga, gjennom 80- og 90-talet, har dei vore yndlingar av den norske musikkpressa. Samstundes har dei brei støtte i folket, som kjøper platene og går på konsertane deira.

Innhaldsliste 1 Litt historie 2 Yndlingar 3 Medlemmer 4 Utgjevingar 5 Eksterne lenker

[endre] Litt historie

Då deLillos vart oppretta i 1984 var det berre 3 medlemmer, Lars Lillo-Stenberg, Lars Frederik Beckstrøm og Rune Lindstrøm, men samansettinga endra seg 4 gongar fram til 1991. I tillegg til Stenberg og Beckstrøm er Lars Lundevall og Øystein Paasche med idag.

[endre] Yndlingar

Både i tekst, melodiar og framføring har deLillos styrker som har gjort dei til ei av dei største gruppene i norsk musikkliv. Tekstane har ofte ein naivitet og humor som gjer at mange kan sette pris på dei, samstundes som dei likevel inneheld tyngde og djup. Melodiane er gjerne lette og ledige, men samtidig godt planta i rocken. Mange rockeelskarar rekner deLillos som den beste konsertgruppa i Noreg.

[endre] Medlemmer

• Lars Lillo-Stenberg - Vokal, gitar, tangentar

• Lars Frederik Beckstrøm - Vokal, bass, kor

• Rune Lindstrøm - Trommer, kor - 1984 til 1986

• Øyvind Jevanord - Trommer, kor - 1986 til 1988

• Lars Lundevall - Gitar, kor - 1991 og utover

• Øystein Paasche - Trommer - 1988 og utover

[endre] Utgjevingar

• Suser avgårde (1986)
• Før var det morsomt med sne (1987)
• Hjernen er alene (1989)
• Svett smil (1990)
• Varme mennesker (1991)
• Neste sommer (1993)
• Mere (live) (1994)
• Sent og tidlig (1995)
• Stakkars (1997)
• Gamle sanger om igjen (samleplate) (1998)
• Kast alle papirene (1999)
• Midt i begynnelsen (2002)

[endre] Eksterne lenker

• Offisiell hjemmeside