Buplikt

Frå Wikipedia – det frie oppslagsverket

Buplikt er ei plikt knytt til visse yrke eller kjøp av visse eigedommar.

Mange land har reglar om buplikt ved erverv av landbrukseigedommar. Ordninga er omstridd. Seinast den 25. januar 2007 avsa EU-domstolen dom om at dei danske reglane om personleg buplikt på landbrukseigendommar er i strid med prinsippet om fri flyt av kapital og med dei europeiske menneskerettane [1].

Noreg har andre reglar enn Danmark og det er enno uvisst om den nemde EU-dommen råkar den norske buplikta. Dei norske reglane gir meir rom for unntak/dispensasjon enn dei danske.

I Noreg er buplikt bruka både for å knyta arbeidstakarar nærare ein arbeidsstad og som eit distriktspolitisk verkemiddel:

Innhaldsliste 1 Buplikt i tenestebustad 2 Buplikt for landbrukseigedommar 2.1 Ei omstridd ordning 3 Buplikt på bustadeigedommar 3.1 Kommunar med buplikt på bustadeigedom 3.2 Østfold 3.3 Akershus 3.4 Hedmark 3.5 Oppland 3.6 Buskerud 3.7 Vestfold 3.8 Telemark 3.9 Aust-Agder 3.10 Vest-Agder 3.11 Rogaland 3.12 Hordaland 3.13 Sogn og Fjordane 3.14 Møre og Romsdal 3.15 Sør-Trøndelag 3.16 Nord-Trøndelag 3.17 Nordland

[endre] Buplikt i tenestebustad

Fleire yrkesgrupper har buplikt i tenestebustad. Døme på slike er prestar og lærarar på folkehøgskolar.

[endre] Buplikt for landbrukseigedommar

Den som tek over eigedom som han har odelsrett til, har plikt til å busetje seg på eigedomen innan eitt år og bu på den i fem år. Skjer overtakinga ved odelsløysing, varer buplikta i ti år. Nær slekt som ikkje har odelsrett, slepp søkje konsesjon om dei forpliktar seg til å busetje seg på eigedommen og å drive han i minst fem år. Andre kjøparar må søkje konsesjon. Kommunen kan då gje buplikt som eit konsesjonsvilkår.

Kommunen kan gje fritak frå buplikta. Dei vil då leggje særleg vekt på

• ønsket om å styrkje eller oppretthalde busetjinga i området der eigedomen ligg
• kor nær tilknyting søkjaren har til eigedomen
• søkjaren sin livssituasjon

Vidare skal det mellom anna takast omsyn til bruksstorleiken, avkastningsevna og hustilhøva på eigedomen. Kommunen vil ved vurderinga sjå spørsmålet i samanheng med driveplikta.

• Om buplikt i Odelslova

Dersom kjøparen ikkje rettar seg etter eit pålegg om buplikt, kan eigedommen i ytste konsekvens verte seld på tvangsauksjon.

• Om kontroll med buplikt etter konsesjonslova

[endre] Ei omstridd ordning

Eit hovudargument for buplikta er å sikre lokal kontroll over lokale ressursar. Argumenta mot tek ofte utgangspunkt i at ordninga strir med prinsippet om fri eigedomsrett.

Ein grunntanke i odelsretten er å verne om den eigedomsretten gardbrukaren har til jorda han dyrkar, og som både heim og yrke er knytt til. Dette omsynet til ein sjølvstendig landbruksnæring kan stå i motsetnad til ønske eigaren kan ha om fritt å disponere eigedommen. Buplikt vil, saman med alminneleg odels- og åsetesrett, vere med å halde prisen på landbrukseigedommar nede. Slik vernar buplikta strukturen i den norske landbruksnæringa, men buplikta strir mot prinsipp om fri flyt av kapital. Ordninga er difor omstridd.

[endre] Buplikt på bustadeigedommar

Buplikt kan òg gjelde ved erverv av bustadeigedommar. Dersom der er nødvendig for å hindre at eigedommar som bør brukast til heilårsbusatad i staden berre blir brukte til fritidsbustad, kan Kongen på oppmoding frå ein kommune gje forskrift om konsesjon ved kjøp av eigedom med heilårsbustader eller eigedom som i reguleringsplan er lagt ut til bustadområde.

Kommunen kan då gje buplikt som eit konsesjonsvilkår. Ein kjøpar som forpliktar seg til å syte for at eigedomen skal nyttast til heilårs bustad for han sjølv eller for andre, er friteken for konsesjonsplikt. Buplikta på bustadeigedomar er m.a.o. ei upersonleg buplikt.

• Om buplikt i konsesjonslova

[endre] Kommunar med buplikt på bustadeigedom

Desse kommunane har forskrifter om redusert konsesjonsgrense slik at det i heile eller delar av kommunen kan oppstå buplikt ved kjøp av bustadeigedom (lista treng ikkje vere fullstendig):

[endre] Østfold Skjeberg kommune, Sjå] [endre] Akershus Frogn kommune, sjå Vestby kommune, sjå [endre] Hedmark Folldal kommune, sjå [endre] Oppland Vågå kommune, sjå Vestre Slidre kommune, sjå Øyer kommune, sjå Vang kommune, sjå Skjåk kommune, sjå Dovre kommune, sjå Gausdal kommune,sjå [endre] Buskerud Sigdal kommune, sjå Krødsherad kommune, sjå Hemsedal kommune, sjå Hol kommune, sjå Ål kommune, sjå Gol kommune, sjå Hurum kommune, sjå [endre] Vestfold Tjøme kommune, sjå Larvik kommune, sjå Nøtterøy kommune, sjå [endre] Telemark Bamble kommune, sjå Kragerø kommune, sjå Drangedal kommune, sjå Fyresdal kommune, sjå Nissedal kommune, sjå Hjartdal kommune, sjå Tokke kommune, sjå

[endre] Aust-Agder Tvedestrand kommune, sjå Bykle kommune, sjå Lillesand kommune, sjå [endre] Vest-Agder Kvinesdal kommune, sjå forskrift Søgne kommune, sjå Lindesnes kommune, sjå Lyngdal kommune, sjå [endre] Rogaland Kvitsøy kommune, sjå Finnøy kommune, sjå Forsand kommune, sjå Suldal kommune, sjå [endre] Hordaland Granvin herad, sjå Osterøy kommune, sjå Modalen kommune, sjå [endre] Sogn og Fjordane Vik kommune, sjå [endre] Møre og Romsdal Smøla kommune]], sjå [endre] Sør-Trøndelag Oppdal kommune, sjå Meldal kommune , sjå [endre] Nord-Trøndelag Meråker kommune, sjå [endre] Nordland Herøy kommune, sjå Dønna kommune, sjå Steigen kommune, sjå Vågan kommune, sjå Gildeskål kommune, sjå