Aurora
Frå Wikipedia – det frie oppslagsverket
Aurora var i romersk mytologi gudinne for morgongryet. Namnet hennar er brukt som kvinnenamn og om naturfenomenet polarlys.
[endre] Gudinna
Aurora var ei ung gudinne som fornya seg sjølv kvar morgon og reid over himmelen med bod om at dagen kom. Ho hadde ein ektemann, Tithonus, som opphavleg var døydeleg. Aurora bad Zevs om å gjera han udøydeleg, men gløymde å be om at han skulle få evig ungdom, derfor ende Tithonus opp med å aldrast i all æve.
Gudinna var syster til sola og månen og mor til dei fire vindane.
Ho kan liknast med Eos i gresk og Usjas i vedisk mytologi.
[endre] Bruk av namnet
Me finn att namnet i aurora borealis og aurora australis, andre namn for nordlys og sørlys.
