ASIC
Frå Wikipedia – det frie oppslagsverket
ASIC står for Application Specific Integrated Circuit, altså ein integrert krets (IC) som er utvikla for eit bestemt føremål eller bruksområde istaden for å fylle ei generell oppgåve. Ein slik krets er meir spesialisert og effektiv for ei oppgåve enn kva ein kan få til med ein mikrokontroller og mindre og kjappare enn ein FPGA.
Ein krets som er laga for å måle og overvåke lufttrykket i eit bildekk er eit døme på ein ASIC. Ein mikrokontroller er ikkje ein ASIC, sidan han er programmerbar og kan nyttast til svært mange føremål.
ASIC-kretsar vert laga som både analoge, digitale og blanda analog og digitale (mixed signal) kretsar. Reine digitale kretsar er i dag likevel vanlegast.
