Anders Dass
Frå Wikipedia – det frie oppslagsverket
Anders Dass (1675-1736) var ein norsk prest og godseigar, son til Margrethe Andersdotter og diktarpresten Petter Dass.
Anders Dass gjekk som gut latinskule i Bergen før han vart oppteken som student i Kjøbenhavn rundt 1691. Han tok magistergrad, deretter studerte han ei tid i England. I 1704 vart han tilsett som kapellan hos faren, og han overtok soknepreststillinga i Alstahaug etter at faren døydde.
I 1704 gifta han seg med Rebekka Angell, dotter til den rike kjøpmannen Lorents Mortenssøn Angell i Trondheim. Saman vart dei etterkvart eigarar av eit stort jordegods på Helgeland. Anders Dass sørga vidare for å få fleire av manuskripta etter faren i trykken.
[endre] Kjelder:
- A.E. Eriksen 1874: «Petter Das's Levnetsløb» (trykt som innleiing til samleutgåve av Petter Dass sine skrifter), P.T. Mallings Bogtrykkeri