Sappho
Vun Wikipedia
Sappho weer de villicht gröttste Dichtersche in’t Ole Grekenland. Se leevde üm 590 v. Chr. Dat warrt seggt, dat dat Epigramm, wo se de 10. Muse nöömt warrt, vun Platon schreven warr. Se leevd op de Insel Lesbos. Wegens ene Revolutschoon do leevd se ene Tiet op Sizilien. Se gung denn wedder noh Lesbos trüch. Op Lesbos harr se ene Reeg Fründinnen un Schölerinnen, mit de se för’n Kult vun de Aphrodite werkt. De röömsche Schriever Horaz harr Elementen vun Sappho in sien Arbeid. Ok in de Nutiet weer Sappho för Schrievers, to’n Bispeel Grillparzer vun Belang.
